ក្បាលចចកអាយុកាល ៤០.០០០ឆ្នាំ ត្រូវបានគេរកឃើញនៅតំបន់ស៊ីបេរី ស្ថិតក្នុងប្រទេសរុស្សុី។ ក្បាលនោះត្រូវបានរក្សាយ៉ាងល្អនៅក្រោមស្រទាប់ទឹកកក់នៅតំបន់ប៉ូល ដោយមានធ្មេញ និងរោមទាំងអស់។
ប្រជាជនរស់នៅតំបន់ខាងលើដែលជាអ្នកស្វែងរកភ្លុករបស់សាកសពសត្វ បានប្រទះឃើញក្បាលចចកខាងលើនៅលើច្រាំងទន្លេ Tirekhtyakh និងបានយកវាទៅកន្លែងសិក្សាពីសពអប់ ស្ថិតក្នុងក្នុងសាធារណៈរដ្ឋ Sakha។
លោក Albert Protopopov ប្រធានវិទ្យាស្ថានសិក្សាសាកសពអប់ បានថ្លែងប្រាប់ CNN ថា “នេះគឺជាលើកទីមួយហើយ ដែលក្បាលរបស់ចចកបុរាណត្រូវបានរកឃើញដែលជាលិកាទន់របស់វា ត្រូវបានរក្សាទុកយ៉ាងល្អ ក្រោយពេល ៤០.០០០ឆ្នាំ។ វាគឺជាចចកពេញវ័យ”។
បច្ចុប្បន្ន អ្នកវិទ្យាសាស្ត្រកំពុងដែលបង្កើតគំរូឌីជីថលនៃខួរក្បាល និងផ្នែកខាងក្នុងរបស់លលាក្បាល ដើម្បីធ្វើការសិក្សាបន្ថែម។
សូមបញ្ជាក់ថា កាលពីដើមឆ្នាំនេះ អ្នកវិទ្យាសាស្ត្របានប្រកាសពីការរកឃើញឈាម និងទឹកនោមរាវនៅលើសាកសពរបស់កូនសេះបុរាណដែលមានអាយុកាល ៤២.០០០ឆ្នាំ ដែលត្រូវបានអប់យ៉ាងល្អដោយស្រទាប់ទឹកកក។
សាកសពអប់របស់កូនសេះនោះ ត្រូវបានរកឃើញដោយអ្នកស្វែងរកភ្លុកសាកសពសត្វអប់ នៅតំបន់ Verkhoyansk ។ អ្នកវិទ្យាសាស្ត្រសង្ឃឹមថានឹងធ្វើការក្លូនកូនសោះនោះ ៕
អត្ថបទប្រែសម្រួលដោយ៖ សុភ័ក្រ
ប្រភព៖ CNN
