ខេត្តស្វាយរៀង ៖ នៅព្រឹកថ្ងៃទី១២ ខែមិថុនា ឆ្នាំ២០១៩ នៅសាលប្រជុំសាលាស្រុកកំពង់រោទ៌មានរៀបចំពិធីដេញថ្លៃគម្រោងកែលំអរផ្លូវលំក្រាលខ្សាច់ភ្នំនិងក្រាលក្រួសក្រហមចំនួន១០ខ្សែ ក្នុងឃុំចំនួន១០ នៃរដ្ឋបាលស្រុកកំពង់រោទ៌ ដោយមានការចូលរួមជាអធិបតីពីលោក សុច ពិសី អភិបាលស្រុកកំពង់រោទ៌និងមន្ត្រីលទ្ធកម្មខេត្តនិងក្រុមប្រឹក្សាឃុំទាំង១០ ដែលជាម្ចាស់គម្រោងព្រមទាំងតំណាងក្រុមហ៊ុនចំនួន២៧ក្រុមហ៊ុនបានចូលរួមដេញថ្លៃ។
ការដេញថ្លៃនេះដែរ គឺមើលទៅមានភាពរញ៉េរញ៉ៃ ខ្វះសណ្តាប់ធ្នាប់ធ្វើឲ្យដំណើរការដេញថ្លៃពន្យារពេលលើសម៉ោងកំណត់៣០នាទី គឺការកំណត់ពេលវលាចាប់ទទូលពាក្យនៅវេលាម៉ោង៩និង០០នាទីព្រឹក បិទឈប់ទទួលពាក្យនៅវេលាម៉ោង៩និង១០នាទីព្រឹកក៏ប៉ុន្តែពន្យាពេលដល់វេលាម៉ោង៩និង៤០នាទីព្រឹក ដោយសារមនុស្សតំណាងក្រុមហ៊ុនមកចូលរួមដេញថ្លៃបង្កើតភាពរញ៉េរញ៉ៃដើរប្រសេចប្រសាចខ្លះឈរទ្រឹងមិនព្រមយកឯកសារដាក់ចូលដេញថ្លៃទេ រហូតដល់មន្ត្រីលទ្ធកម្មប្រកាសបិទទើបនាំគ្នាប្រច្រៀតដាក់ដេញថ្លៃហើយក្រុមហ៊ុនខ្លះទៀត ពេលក្រុមប្រឹក្សាឃុំបិទឈប់ទទួលហើយ នៅតែតវ៉ាសុំដាក់ដេញថ្លៃដែរ ធ្វើឲ្យមន្ត្រីបច្ចេកទេសក្រពុលមុខយ៉ាងខ្លាំង។
មុននឹងដំណើរការដាក់ឲ្យដេញថ្លៃលោក សុច ពិសី អភិបាលស្រុកកំពង់រោទ៌ បានមានប្រសាសន៍ណែនាំអំពីគោការណ៍និងលក្ខខណ្ឌក្នុងការដាក់ដេញថ្លៃនេះថា សូមឲ្យម្ចាស់ក្រុមហ៊ុនទាំងអស់ដែលមកចូលរួមដេញថ្លៃគម្រោងកែរលម្អរផ្លូវទាំង១០ខ្សែរនេះ គឺក្រុមហ៊ុនដែលមានអាជ្ញាប័ណ្ណនិងមានប្រាក់កក់២០ភាគរយ ទើបមានសិទ្ធិចូលដាក់ដេញថ្លៃ ។ ហើយការដេញថ្លៃទៀតសោធត្រូវតែគិតអំពីស្តង់ដារបច្ចេកទេសនិងមានគុណភាព សូមកុំចេះតែដាក់តម្លៃទាបចង់តែពីឈ្នះចង់តែពីបានហើយពេលចាប់ដំណើរការជួសជុលកែលំអរផ្លូរស្រែកត្អូញត្អែរថាខាតសុំឲ្យអជ្ញាធរជួយគឺមិនអាចទេ សូមពិចារណានិងពិនិត្យស្ថានភាពផ្លូវ និងតម្លៃដី ក្រួសក្រហមនិងខ្សាច់ភ្នំ តម្លៃលូកាត់ប្រឡាយឲ្យបានច្បាស់លាស់ ជាពិសេសត្រូវធ្វើទៅតាមគម្រោង តាមបទដ្ឋានស្តង់ដាបច្ចេកទេស ដែលចុះកិច្ចព្រមព្រៀងរបស់មន្ត្រីលទ្ធកម្មនិងម្ចាស់គម្រោង។ ហើយអ្វីដែលគួរឲ្យព្រួយបារម្មណ៍នោះគឺគុណភាពផ្លូវនៅពេលកែលម្អររួច តើធ្វើតាមស្តង់ដារបច្ចេកទេសដែរឬទេ លទ្ធផលដេញថ្លៃដាក់តម្លៃទាបជាងតម្លៃការប៉ាន់ប្រមាណរបស់ម្ចាស់គម្រោងចាប់ពី ៤០ភាគរយរហូតដល់ក្រោម ៥០ភាគរយទៅទៀតនោះ ។ សូមពិនិត្យមើលទាំងអស់គ្នា។ ១.ឃុំញរ គម្រោងកែរលម្អរផ្លូវក្រាលថ្មបំបែក ប្រវែង១,៧០០ម៉ែត្រ ទទឹង៣,៥០ម៉ែត្រកម្រាស់ថ្មបំបែក០,១៥ម៉ែត្រតម្លៃប៉ាន់ស្មានទឹកប្រាក់១០២,៩១៨,៧០០រៀល។មានក្រុមហ៊ុនដាក់ ៥សំណើរក្រុមហ៊ុនដែលដេញបានគឺក្រុមហ៊ុនហាក់លក្ខិណា ដាក់តម្លៃទាប គឺ៖ ៥០,៦៦០,០០០រៀល។(ក្រោម៥០%) ២,ឃុំខ្សែត្រ គម្រោងកែរលម្អរផ្លូវដីក្រាលក្រួសក្រហម១ខ្សែប្រវែង២,៦០០ម៉ែត្រទទឹង៤ម៉ែត្រកម្រាស់ក្រួសក្រហម០,១៥ម៉ែត្រស្លាកផ្លូវ១ តម្លៃប៉ាន់ស្មាន១១៨,៣៣០,០០០រៀល។មាន៤ក្រុមហ៊ុនដាក់សំណើរក្រុមហ៊ុនដេញបានគឺក្រុមហ៊ុនហាក់លក្ខិណា តម្លៃទាប ៦៤,៧៤០,០០០រៀល(ក្រោម៥០%)។៣,ឃុំសំឡី ផ្លូវក្រាលក្រួសក្រហមប្រវែង១,២០០ម៉ែត្រទទឹង៤ម៉ែត្រកម្រាស់០,១៥ម៉ែត្រតម្លៃប៉ាន់ស្មាន៩៥,៤៩៣,៨០០រៀល។មាន៤ក្រុមហ៊ុនដេញថ្លៃ ក្រុមហ៊ុនម៉ីសម្បត្តិខនស្ត្រាក់សិនដេញបានតម្លៃ៥១,៤៨០,០០០រៀល (លើ៥០%)។៤,ឃុំថ្មី ផ្លូវក្រាលខ្សាច់ភ្នំប្រវែង១,៧៥០ម៉ែត្រទទឹង៣,៥០ម៉ែត្រកម្រាស់០,១៥ម៉ែត្រតម្លៃប៉ាន់ស្មាន៨៩,២៨១,៥០០រៀល។ក្រុមហ៊ុនម៉ីសម្បត្តិដេញបានតម្លៃ៤៧,៤៥០,០០០រៀល(លើ៥០%)។ ៥,ឃុំសំយ៉ោង ផ្លូវលំក្រាលខ្សាច់ភ្នំប្រវែង១,៨០០ម៉ែត្រទទឹង៤ម៉ែត្រកម្រាស់០,១៥ម៉ែត្រតម្លៃប៉ាន់ស្មាន ៧៥,៧៣២,៥០០រៀល។ក្រុមហ៊ុនម៉ីសម្បត្តិខនស្ត្រាក់សិនដេញបានតម្លៃទាប៤០,៨៦០,០០០រៀល(លើ៥០%)។ ៦,ឃុំព្រៃធំ ផ្លូវក្រាលខ្សាច់ភ្នំប្រវែង១,៨០០ម៉ែត្រទទឹង៣,៥០ម៉ែត្រកម្រាស់០,១៥ម៉ែត្រ តម្លៃប៉ាន់ស្មាន៧៤,១៨២,៧០០រៀល។ក្រុមហ៊ុនអ៊ុំវណ្ណៈដេញបាន តម្លៃ៤០,១៤០,០០០រៀល(ក្រោម៥០%)។ ៧,ឃុំព្រះពន្លា ផ្លូវក្រាលខ្សាច់ភ្នំប្រវែង២,០៧០ម៉ែត្រទទឹង៣,៥០ម៉ែត្រកម្រាស់០,១៥ម៉ែត្រតម្លៃប៉ាន់ស្មាន៨៦,៣៧៥,៣០០រៀល។ក្រុមហ៊ុន អ៊ុំ វណ្ណៈ ដេញបានតម្លៃ៤៣,០៥៦,០០០រៀល(លើ៥០%)។៨,ឃុំបន្ទាយក្រាំង ផ្លូវក្រាលខ្សាច់ភ្នំប្រវែង១,២៥០ម៉ែត្រទទឹង៤ម៉ែត្រកម្រាស់០,១៥ម៉ែត្រនិងដាក់លូកាត់ប្រឡាយ៣កន្លែងតម្លៃប៉ាន់ស្មាន៨៧,៦៥៤,៥០០រៀល។
ក្រុមហ៊ុនពុតកន្ថា ដេញបានតម្លៃ៥០,៣០០,០០០រៀល(លើ៤០%)។ចំពោះឃុំរាជមន្ទីរនិងឃុំ១ទៀត មិនបានថតទេ។មហាជនបានរិះគន់ថាផ្លូវលំដែលជួសជុលកែរលម្អរកន្លងមកគឺគ្មានគុណភាពទេធ្វើខាងមុខខូចខាងក្រោយផ្លូវខ្លះទៀតធ្វើបាន២ខែទៅ៣ខែគឺខូចអស់ហើយគឺឡើងគម្រោងធ្វើរហូត។បើតាមមន្ត្រីលទ្ធកម្មម្នាក់បានបង្ហើបឲ្យដឹងថា ផ្លូវលំដែលដេញថ្លៃ ផ្លូវមូលដ្ឋានដែលប្រើប្រាក់ភិភាជរបស់គម្រោងក្រុមប្រឹក្សាឃុំសង្កាត់ក្រសួងកុងត្រាជួសជុលថែទាំតែរយៈពេល៦ខែប៉ុណ្ណោះទើបផ្លូវលំ ចេះតែខូចនោះកុំឆ្ងល់ពេកទាន ។ ប្រជាពលរដ្ឋសំណូមពរសូមឲ្យអាជ្ញាធរខេត្តគួរតែចុះពិនិត្យដំណើរការដេញថ្លៃកែរលម្អរផ្លូវនេះផងមហាជនប្រាប់ថា មានបញ្ហាខុសប្រកតីនិងរញ៉ីរញ៉ៃណាស់៕ ដោយ ៖ វ៉ៃកូ