បាត់ដំបង ៖ ដោយសារភ្លេីងប្រច័ណ្ឌទប្តីចិត្តខ្លាំង ប្រេីកាំបិតកាប់ប្រពន្ធប៉ងសម្លាប់ រួចអារកខ្លួនឯងរហូតស្លាប់បាត់បង់ជីវិត នៅសង្កាត់វត្តគរ ក្រុងបាត់ដំបង។
ស្នងការដ្ឋាននគរបាលខេត្តបាត់ដំបង បានឲ្យដឹងថា នៅថ្ងៃ ព្រហស្បតិ៍ ១១ កើត ខែ ជេស្ឋ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៣ ខែមិថុនា ឆ្នាំ២០១៩ វេលាម៉ោងប្រមាណ ១៧ និង៤០នាទី នៅចំណុចផ្ទះលេខ ១៩៦ ក្រុមទី ១៣ ភូមិដំណាក់ហ្លួង សង្កាត់វត្តគរ ក្រុងបាត់ដំបង ខេត្តបាត់ដំបង បុរសជាជនសង្សយ័និងត្រូវជាប្តីឈ្មោះ រ៉ាត់ ចិត្រា ភេទ ប្រុស អាយុ ២៨ ឆ្នាំ មានទីលំនៅកើតហេតុខាងលើ បានប្រើហិង្សាយកកាំបិតកាប់ជាច្រេីនកាំបិតទៅលើប្រពន្ធ របស់ខ្លួនឈ្មោះ សុខ លីន អាយុ ២៧ ឆ្នាំ បណ្ដាលអោយរងរបួសធ្ងន់ធ្ងរ ហើយត្រូវបានក្រុមគ្រួសារ បញ្ជូនទៅសង្គ្រោះបន្ទាន់នៅមន្ទីរពេទ្យយោធភូមិភាគទី៥( ពេទ្យព២)។ ក្នុងខណៈពេលនោះ ប្ដីស្មានថា ប្រពន្ធរបស់ខ្លួនស្លាប់ ក៏រត់ទៅផ្ទះអ្នកជិតខាង រួចយកកាំបិតអារកសម្លាប់ខ្លួនឯងតែម្ដងទៅ។
លោកវរសេនីយ៍ឯក ឆាង វណ្ណឆៃ អធិការនគរបាលក្រុងបាត់ដំបង បានឲ្យដឹងថា ប្តីប្រពន្ធមួយគូរនេះ ទេីបវិលត្រឡប់មកពីធ្វេីការនៅប្រទេសថៃ ក្នុងរយៈពេលប៉ុន្មានថ្ងៃមុននេះ ហេីយជារឿយៗ ប្តីរូបនេះតែងតែប្រច័ណ្ឌប្រពន្ធរបស់ខ្លួន ហួសហេតុ រហូតដល់ថ្ងៃកេីតហេតុខាងលេី ក៏មានជម្លោះពាក្យសម្តីជាមួយគ្នា ហេីយភ្លាមនោះ ប្តីរូបនេះបានយកកាំបិត កាប់ទៅលេីប្រពន្ធជាច្រេីនកាំបិតនៅលេីក្បាល និងដងខ្លួន បណ្តាលឲ្យរងរបួសយ៉ាងធ្នន់ធ្ងរ ដោយយល់ថាប្រពន្ធខ្លួននឹងស្លាប់ ទេីបប្តីរូបនះ ទៅយកកាំបិតពីអ្នកជិតខាង មកអាករសម្លាប់ខ្លួនឯង នៅក្បែរលំនៅដ្ឋានខាងលេីតែម្តង។
លោកឧត្តមសេនីយ៍ត្រី ជេត វណ្ណនី ស្នងការរងផែនការងារព្រហ្មទណ្ឌ បានបញ្ជាក់ថា តាមការសន្និដ្ឋានរបស់ សមត្ថកិច្ចដោយផ្អែកលេីការ បញ្ជាក់ពីក្រុមគ្រួសារជនរងគ្រោះ និងអ្នកជិតខាងករណីខាងលេី ជាករណីឃាតកម្មប៉ុនប៉ងសម្លាប់ប្រពន្ធ រួចធ្វេីអត្តឃាតអារកសម្លាប់ខ្លួនឯងជាក្រោយ ដែលរឿងនេះ ផ្តេីមឡេីងពីការប្រច័ណ្ឌហួសហេតុរបស់ប្តី ឈ្មោះរ៉ាត ចិត្ត្រា៕ ដោយ៖កូឡាប