ទីក្រុងអូតាវ៉ា មិនមានគម្រោងដឹកសំរាមប្លាស្ទិចត្រឡប់មកពីប្រទេសម៉ាឡេស៊ីវិញនោះទេ។ សំរាមប្លាស្ទិកជាច្រើនតោនត្រូវបានគេដាក់ស្លាកសញ្ញាថាជាសំរាមកែច្នៃឡើងវិញ និងបានធ្វើការដឹកទៅកាន់ប្រទេសម៉ាឡេស៊ី។
កាលពីចុងខែឧសភាកន្លងទៅនេះ រដ្ឋាភិបាលម៉ាឡេស៊ីបានថ្លែងថា ខ្លួននឹងដឹកសំរាមចំនួន ៣០០តោន ត្រឡប់ទៅកាន់ប្រទេសដើមចំនួន ១៤វិញ ដែលប្រទេសទាំងនោះរួមមាន កាណាដា អាមេរិច ជប៉ុន បារាំង អូស្ត្រាលី និងអង់គ្លេស។
នៅក្នុងសេចក្តីប្រកាសដែលផ្ញើទៅកាន់ទីភ្នាក់ងារសារពត៌មាន Reuters អ្នកនាំពាក្យក្រសួងបរិស្ថាន និងបំរែបំរួលអាកាសធាតិកាណាដា លោក Gabrielle Lamontagne បានថ្លែងបញ្ជាក់ថា “មិនមានគម្រោងទេដែលរដ្ឋាភិបាលត្រូវដឹកសំរាមត្រឡប់មកពីប្រទេសម៉ាឡេស៊ីវិញ”។
លោកថ្លែងបញ្ជាក់ថា ប្រទេសកាណាដាមិនទទួលបានពត៌មានពីការដឹកជញ្ជូនសម្រាមពីកាណាដា ទៅកាន់ម៉ាឡេស៊ីឡើយ ហើយក្រសួងបានទាក់ទងភាគីម៉ាស៊ីឡេដើម្បីសួរព័ត៌មានលំអិត។
លោកបន្ថែមថា មិនមានការបញ្ជាក់មួយសោះ ថាតើសំរាមប៉ុន្មានជារបស់កាណាដា។
សូមបញ្ជាក់ថា កាលពីខែមុន រដ្ឋាភិបាលកាណាដាបានសម្រេចកិច្ចព្រមព្រៀងជាមួយនឹងភីលីពីន ក្នុងការដឹកសំណល់ផ្ទះត្រឡប់មកកាណាដាវិញ ហើយការដឹកនោះត្រូវគេរំពឹងថានឹងកើតឡើងចុងខែ មិថុនានេះ។
កាលពីដើមសប្តាហ៍នេះ រដ្ឋាភិបាលកាណាដា បានប្រកាសពីគម្រោងហាមប្រើប្រាស់ប្លាស្ទិចដែលប្រើប្រាស់តែមួយដង ដូចជាបំពង់បឺត និង ថង់ជាដើម នៅដើមឆ្នាំ ២១០ ដើម្បីកាត់បន្ថយសម្រាម និងការពារមហាសមុទ្រ៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia