ខេត្តស្វាយរៀង ៖ បុរស ២នាក់ បានរងរបួសធ្ងន់និងស្រាលនៅក្នុងករណីគ្រោះថ្នាក់ចរាចរណ៍មួយរវាងរថយន្តនិងម៉ូតូ ស្ថិតនៅភូមិទួលត្របែក ឃុំប្រសូត្រ ស្រុកស្វាយទាប ខេត្តស្វាយរៀង លើផ្លូវលេខ ៣១៤ D បណ្តាលអោយមនុស្សរងរបួសធ្ងន់ ១នាក់ ប្រុស រថយន្តមិនខូចខាត និង ម៉ូតូ ខូចខាតស្រាល ១គ្រឿង ដែលហេតុការណ៍នេះបានកើតឡើងនៅថ្ងៃទី១៣ ខែមិថុនា ឆ្នាំ ២០១៩ វេលាម៉ោង១៩និង៤៥ នាទីល្ងាច។
សមត្ថកិច្ចបានឱ្យដឹងថា ៖ គ្រោះថ្នាក់ចរាចរណ៍នេះ បង្កឡើងដោយម៉ូតូម៉ាក ហុងដាសេ១០០ ពណ៌ព្រីងទុំ ស្លាកលេខ ៥៥៩៥ ភ.ព១ បើកបរដោយឈ្មោះ ហឹង ណាង ភេទប្រុស អាយុ៤៤ឆ្នាំ មុខរបរកម្មករសំណង់ រស់នៅភូមិត្រពាំងខ្នា ឃុំរាជមន្ទី ស្រុកកំពង់រោទិ៍ ខេត្តស្វាយរៀង រងរបួសធ្ងន់ (ពាក់មួកសុវត្ថិភាព)បើកបរក្នុងទិសដៅពីជើងទៅត្បូង លុះមកដល់កន្លែងកើតហេតុខាងលើ បានបុករថយន្ត ម៉ាកហ៊ីយ៉ាន់ដាយ ពណ៌ស ស្លាកលេខ ភ.ព ៣C ២៧៣២ ពីក្រោយ ដែលកំពុងឈប់ដាក់ម៉ួយចុះពីលើរថយន្ត ក្នុងទិសដៅពីជើងទៅត្បូង បើកបរដោយឈ្មោះ សួស សឹងដារ៉ា ភេទប្រុស អាយុ២៧ឆ្នាំ មុខរបរ បើកបររថយន្ត រស់នៅភូមិទូលត្របែក ឃុំប្រសូត្រ ស្រុកស្វាយទាប ខេត្តស្វាយរៀង គ្មានរបួសស្នាម ករណីនេះអ្នករងរបួសយកទៅព្យាបាលនៅមន្ទីរពេទ្យបង្អែកស្វាយទាប។
ប្រភពដដែលបានឱ្យដឹងទៀតថា ៖ ចំពោះមធ្យោបាយទាំងពីរយកមករក្សាទុកនៅប៉ុស្តិ៍រដ្ឋបាលឃុំប្រសូត្រ ។
មូលហេតុ ៖ ម៉ូតូបើកបរពេលយប់គ្មានភ្លើងបំភ្លឺមុខ ៕ ដោយ ៖ វ៉ៃកូ