ភ្នំពេញ៖កាលពីថ្ងៃទី15 ខែមិថុនា កម្មវិធីសម្ពោធសម្ព័ន្ធពាណិជ្ជករ អ & អេហ្វ កម្ពុជា អមដោយវេទិកាសម្ព័ន្ធពាណិជ្ជករ អ & អេហ្វ កម្ពុជា ក្រោមប្រធានបទ “អនាគតរួមគ្នានៅភ្នំពេញ” បានប្រារព្ធឡើងយ៉ាងអធិកអធម នៅអាគារផ្នែកលក់របស់ក្រុមហ៊ុន អ & អេហ្វ កម្ពុជា។ ដោយមានការអញ្ជើញចូលរួមយ៉ាងច្រើនកុះករពីសំណាក់នាយកគ្រប់គ្រងពាក់ព័ន្ធនៃក្រុមហ៊ុន អ & អេហ្វ កម្ពុជា ដៃគូសហការផ្នែកយុទ្ធសាស្ត្រនៃសម្ព័ន្ធពាណិជ្ជករ ម្ចាស់អាជីវកម្មគ្រប់វិស័យប្រចាំនៅរាជធានីភ្នំពេញ និងអ្នកសារព័ត៌មាន។
វេទិកាខាងលើនេះ បានធ្វើការពិភាក្សាជុំវិញស្ថានភាពបច្ចុប្បន្ន នៃសេដ្ឋកិច្ចកម្ពុជា និងទំនោរសក្ដានុពលនៃវឌ្ឍនភាពនាថ្ងៃអនាគត។ ភ្ញៀវកិត្តិយសដែលបានអញ្ជើញចូលរួមទាំងអស់ បានជួបជុំសន្ទនាគ្នាយ៉ាងរំជួល ញ៉ាំងឱ្យវេទិកាពិភាក្សានេះ ដំណើរការទៅយ៉ាងរលូនក្រៃលែង។ លើសពីនោះទៅទៀត ម្ចាស់អាជីវកម្មរាប់រយនាក់បានធ្វើការចុះកុងត្រាចូលជាសមាជិករបស់សម្ព័ន្ធពាណិជ្ជករ អ & អេហ្វកម្ពុជា នៅនឹងកន្លែងកម្មវិធីផ្ទាល់តែម្ដង។
បន្ទាប់ពីការសម្ដែងរបាំជូនពរបើកកម្មវិធីរួចមក លោក វ៉ាង ជីហាវ អគ្គនាយកនៃក្រុមហ៊ុន អ & អេហ្វ កម្ពុជា បានឡើងថ្លែងសុន្ទរកថា ដោយបានសម្ដែងអំណរគុណយ៉ាងជ្រាលជ្រៅ ចំពោះភ្ញៀវកិត្តិយសទាំងឡាយ ដែលបានផ្ដល់កិត្តិយសអញ្ជើញ ចូលរួមក្នុងកម្មវិធីនេះ ហើយបានធ្វើការណែនាំ ជាសង្ខេបអំពីគម្រោងសំខាន់ៗទាំងពីររបស់ ក្រុមហ៊ុន អ & អេហ្វ កម្ពុជា គឺគម្រោងបុរី អ & អេហ្វ និង គម្រោង អ & អេហ្វ ហ័រហ្វ៊ូ។
លោកអគ្គនាយក វ៉ាង បានមានប្រសាសន៍ថា ឆ្នាំ 2019 គឺជាឆ្នាំទី2 ហើយដែល ក្រុមហ៊ុន អ & អេហ្វ កម្ពុជា បានចាក់ឫសនៅ លើទីផ្សារកម្ពុជា។ គម្រោងបុរី អ & អេហ្វ និង គម្រោង អ & អេហ្វ ហ័រហ្វ៊ូ មិនត្រឹមតែជាសមិទ្ធផលដំបូងរបស់ ក្រុមហ៊ុន អ & អេហ្វ គ្រុប នៅក្នុងព្រះរាជាណាចក្រកម្ពុជាប៉ុណ្ណោះនោះទេ តែក៏ជាគម្រោងដែលមានស្ដង់ដារខ្ពស់ អមដោយក្របខ័ណ្ឌអភិវឌ្ឍន៍ប្រទេស “ខ្សែក្រវាត់មួយ ផ្លូវមួយ” (One Belt One Road) របស់រាជរដ្ឋាភិបាល ដែលទទួលបានភាពជោគជ័យ យ៉ាងធំធេងកន្លងមកនេះ។
ទៀតសោត ក្រុមហ៊ុន អ & អេហ្វ កម្ពុជា បានប្រកាន់ខ្ជាប់ជានិច្ច នូវយុទ្ធសាស្ត្រអភិវឌ្ឍន៍ “កៀកស្និទ្ធនឹងសរសៃជីពចរនៃទីក្រុង បង្កើតនូវជីវភាពរស់នៅដ៏ស្រស់បវរ” ហើយក៏មិនបំភ្លេចដែរ ពីបេសកកម្មក្នុងការក្លាយខ្លួន ជាក្រុមហ៊ុនអភិវឌ្ឍន៍វិស័យអចលនទ្រព្យ ដែលឈានមុខគេ នៅលើឆាកអន្តរជាតិផងដែរ។ អាស្រ័យហេតុនេះហើយ ទើប ក្រុមហ៊ុន អ & អេហ្វ កម្ពុជា បានសហការជាមួយ នឹងសភាពាណិជ្ជកម្មចិន-កម្ពុជា ព្រមទាំងសហគ្រាស មានឈ្មោះបោះសំឡេងនានា ដែលប្រចាំនៅកម្ពុជា បង្កើតឡើងនូវវេទិកាសន្ទនា សម្រាប់សម្ព័ន្ធពាណិជ្ជករកម្ពុជា ដើម្បីផាសុកភាពនាពេលបច្ចុប្បន្ន និងវឌ្ឍនភាពនាពេលអនាគតរបស់ពាណិជ្ជករនៅកម្ពុជា ក្នុងកិច្ចសហប្រតិបត្តិការឈ្នះ-ឈ្នះ។
នៅលើវេទិកាពិភាក្សាខាងលើនេះ អ្នកតំណាងមកពីគ្រប់វិស័យ ក៏បានចែករំលែកបទពិសោធន៍រៀងៗខ្លួន អំពីការយល់ឃើញ និងទស្សនវិស័យលើការអភិវឌ្ឍសេដ្ឋកិច្ចកម្ពុជាក្នុងរយៈពេលមួយឆ្នាំកន្លងមកនេះ។ នាខណៈពេលនោះ ស្ថានភាពនៃការអភិវឌ្ឍអាជីវកម្ម នៅប្រទេសកម្ពុជា ទាំងមូលពុំទាន់មានភាពរឹងមាំ នៅឡើយទេ ព្រមទាំងមានកង្វះខាតជាច្រើនទៀតផង។ រីឯទម្រង់អាជីវកម្មបែបចាស់បុរាណទាំងនោះ ក៏មិនសក្ដិសម ទៅនឹងទំនោរអភិវឌ្ឍន៍ នាថ្ងៃអនាគត របស់រាជធានីភ្នំពេញដែរ។ តើគួរមានចំណាត់ការយ៉ាងណា ដើម្បីកែសម្រួលស្ថានការណ៍បច្ចុប្បន្ន និងត្រូវធ្វើយ៉ាងណា ដើម្បីស្វែងរកឱកាស អភិវឌ្ឍន៍ឱ្យកាន់តែច្រើន គឺជាចំណោទបញ្ហា ដែលពាណិជ្ជករទាំងឡាយ ត្រូវរួមគ្នាដោះស្រាយជាបន្ទាន់។ ចំណែកឯការបើកដំណើរការ សម្ព័ន្ធពាណិជ្ជករ អ & អេហ្វ កម្ពុជា គឺស្របទៅតាមតម្រូវការនៃការអភិវឌ្ឍសេដ្ឋកិច្ចកម្ពុជា ហើយបង្កើតនូវប្រព័ន្ធអេកូសេដ្ឋកិច្ចដែលអនុញ្ញាតឱ្យពាណិជ្ជកររួមរស់ រួមសុខ រួមជោគជ័យទាំងអស់គ្នា ដែលអាចជួយជំរុញវឌ្ឍនភាពជាពហុសម្ព័ន្ធ និងការលើកកម្ពស់ជាអចិន្ត្រៃយ៍។
បន្ទាប់ពីការបង្ហាញទស្សនៈ អំពីការអភិវឌ្ឍប្រទេសកម្ពុជា នាពេលកន្លងទៅរួចមក នៅលើវេទិកាសន្ទនា ក៏បានពិភាក្សាផងដែរ ទៅលើការអភិវឌ្ឍកម្ពុជា នាពេលអនាគត ដោយនិយាយពីស្ថានការណ៍សេដ្ឋកិច្ចទូទៅ និងទស្សនវិស័យនៃអាជីវកម្មគោល ព្រមទាំងពន្យល់ណែនាំភ្ញៀវកិត្តិយសបន្ថែម ស្ដីអំពីសារសំខាន់ នៃការអភិវឌ្ឍអនាគតសេដ្ឋកិច្ចទីក្រុងភ្នំពេញ របស់សម្ព័ន្ធពាណិជ្ជករ អ & អេហ្វ កម្ពុជា។
ជាមួយនឹងបណ្ដាញខ្សែរយៈដ៏រឹងមាំ ជុំវិញពិភពលោករបស់ ក្រុមហ៊ុន អ & អេហ្វ កម្ពុជា នាំឱ្យសម្ព័ន្ធពាណិជ្ជករ អ & អេហ្វ កម្ពុជា មានលទ្ធភាពផ្គត់ផ្គង់ចំនួន អតិថិជនយ៉ាងសន្ធឹកសន្ធាប់ និងមានកម្រិតថេរជានិច្ច បូករួមជាមួយ នឹងគោលនយោបាយបញ្ចុះតម្លៃនានា និងការសិក្សាទៅលើសក្ដានុពល គ្រប់ទស្សនវិស័យ របស់ក្រុមអតិថិជន ដែលអាចសម្រេចបាននូវលំហូរអតិថិជន និងការចែករំលែកព័ត៌មាន ឱកាសពាណិជ្ជកម្មនានា ឱ្យគ្នាទៅវិញទៅមកបាន។
ទន្ទឹមនឹងនេះ ជំនួយពីបណ្ដាញម៉ាកយីហោដ៏រឹងមាំ រួមជាមួយនឹងធនធាន ប្រព័ន្ធផ្សព្វផ្សាយ ប្រាកដជាអាច ជួយធ្វើការផ្សព្វផ្សាយ ឱ្យម្ចាស់អាជីវកម្ម បានយ៉ាងពេញទំហឹង។ ក្រៅពីនេះ ក្រុមហ៊ុន អ & អេហ្វ កម្ពុជា ក៏នឹងគ្រោងរៀបចំវេទិកាពិភាក្សា បញ្ហាសេដ្ឋកិច្ច និងទីផ្សារជាប្រចាំ ដើម្បីដឹកនាំពាណិជ្ជករគ្រប់អាជីវកម្ម ឱ្យធ្វើការផ្ដោះប្ដូរព័ត៌មាន គ្នាទៅវិញទៅមក ក្នុងគោលបំណង ពង្រីកបណ្ដាញខ្សែរយៈកាន់តែច្រើន និងពង្រឹងកម្លាំងហិរញ្ញវត្ថុទីក្រុងភ្នំពេញ ឱ្យកាន់តែខ្លាំង។
ទន្ទឹមនឹងការកសាងជីវភាពដ៏ស្រស់បវរ ក្រុមហ៊ុន អ & អេហ្វ កម្ពុជា ក៏សង្ឃឹមថា នឹងអាចបង្កើតនូវគុណតម្លៃដល់វឌ្ឍនភាព នៃរាជធានីភ្នំពេញបាន។ វាក៏ជាមោទនភាពមួយផងដែរ សម្រាប់ក្រុមហ៊ុន អ & អេហ្វ កម្ពុជា ដែលមានឱកាស ចូលរួមចំណែកខិតខំប្រឹងប្រែង អភិវឌ្ឍន៍រាជធានីភ្នំពេញ ជាមួយនឹងពាណិជ្ជករ គ្រប់វិស័យប្រចាំនៅទីរក្រុងភ្នំពេញ ព្រមទាំងដៃគូសហការនានា រួមគ្នារីកចម្រើនលូតលាស់ ទៅមុខជានិច្ច។
ភាពជោគជ័យនៃកម្មវិធីសម្ពោធដាក់ដំណើរការសម្ព័ន្ធពាណិជ្ជករ អ & អេហ្វ កម្ពុជា លើកនេះ ក៏នាំឱ្យយើងមើលឃើញ អំពីអនាគតថ្មី នៃការអភិវឌ្ឍពាណិជ្ជកម្មនៅរាជធានីភ្នំពេញ។ ចំណែកឯ ក្រុមហ៊ុន អ & អេហ្វ កម្ពុជា ក៏នឹងបន្តរក្សាផ្នត់គំនិតដើម ក្នុងការបង្កើតឱកាសពាណិជ្ជកម្ម និងកិច្ចសហប្រតិបត្តិការ ឱ្យបានកាន់តែច្រើន ដល់ពាណិជ្ជករទាំងឡាយ។ យើងក៏សូមស្វាគមន៍ ចំពោះម្ចាស់អាជីវកម្ម ដៃគូសហការ និងវិនិយោគិន ដែលមានបំណងចូលរួមជាសមាជិក នៅក្នុងសម្ព័ន្ធពាណិជ្ជកររបស់ពួកយើង ដើម្បីពួតដៃគ្នាជាមួយ ក្រុមហ៊ុន អ & អេហ្វ កម្ពុជា ក្នុងការកសាងអនាគត ពាណិជ្ជកម្មរាជធានីភ្នំពេញ ឱ្យមានភាពរីកចម្រើនរុងរឿង៕ ដោយ៖កូឡាប
