(ភ្នំពេញ)៖ ពួកគេទាំង២នាក់ គឺជនរងគ្រោះនិងស្រីស្នេហ៍បានលេងឆាត ដោយប្រើវីដេអូខលជាមួយគ្នា ដោយភ្លើងប្រចណ្ឌ កើតជារឿងជម្លោះគ្នាតាមទូរស័ព្ទ យុវជននេះ បានប្រាប់ទៅសង្សារ ខ្លួនថា នឹងចងកសម្លាប់ខ្លួន។ ហេតុការណ៍នេះបានបង្ករអោយមានការភ្ញាក់ផ្អើលកាលពីវេលាម៉ោង៣និង១០នាទីទៀបភ្លឺព្រឹក ថ្ងៃទី១៦ ខែមិថុនា ឆ្នាំ២០១៩ នៅក្នុងបន្ទប់ផ្ទះលេខ៤០៨ ផ្លូវលំ ក្រុម៥ ក្នុងភូមិព្រៃព្រីងជើង សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ។
ក្រុមគ្រួសារ បានឲ្យដឹងថា ជនរងគ្រោះឈ្មោះ ម៉ម ភក្ត្រា អាយុ២៤ឆ្នាំ ជានិស្សិតបញ្ចប់បរិញ្ញាបត្រ នៅប្រទេសក្រៅ រស់នៅផ្ទះកើតហេតុ ។ និស្សិតរងគ្រោះ បានស្រឡាញ់គ្នាជាមួយនារីម្នាក់ឈ្មោះ ជ័យ សុខស្រីនាថ អាយុ១៩ឆ្នាំ មានទីលំនៅ ភូមិបុរីកម្មករ សង្កាត់ទឹកថ្លា ខណ្ឌសែនសុខ ។
អស់រយ:ពេល៦ខែមកហើយ ក្រោយពីពួកគេទាំង២នាក់ ស្រឡាញ់គ្នា តែសម្ព័ន្ធភាពស្នេហ៍ ហាក់ដូចជាមិនចុះសម្រុងគ្នា ដោយសារភាគីខាងប្រុស មានចិត្តមួយប្រចណ្ឌច្រើន ឈ្លោះគ្នាជាញឹកញាប់ រហូតមកដល់យប់ថ្ងៃទី១៥ ខែមិថុនា ឆ្នាំ២០១៩នេះ មុនកើតហេតុ ពួកគេទាំង២នាក់ លេងឆាត ដោយប្រើវីដេអូខលជាមួយគ្នា ដោយសារអំណាចនៃចិត្តផ្ទុកពេញទៅដោយភ្លើងប្រចណ្ឌ កើតជារឿងជម្លោះគ្នាតាមទូរស័ព្ទ យុវជននេះ បានប្រាប់ទៅសង្សារខ្លួនថា នឹងចងកសម្លាប់ខ្លួន ហើយក៏ស្ងាត់បាត់ បិទទូរស័ព្ទទៅ។
ដោយមិនអស់ចិត្តនាងជាសង្សារ ទូរស័ព្ទមករកនិស្សិតរងគ្រោះ ចូលហើយតែមិនលើក មិនអស់ចិត្តសង្ស័យ ក្រោយពីឮថា ចង.កសម្លាប់ខ្លួនហើយ នាងក៏ទូរស័ព្ទទៅម្តាយរបស់យុវជនវិញ ខណ:ដែលកំពុងលង់លក់ ក្នុងដំណេកនៅបន្ទប់ផ្សេងគ្នា ប្រាប់ដំណើររឿង ទើបម្តាយស្ទុះងើបទៅមើលកូនប្រុសដែលនៅក្នុងបន្ទប់ម្នាក់ឯង គ្រាន់តែបើកទ្វារ ពុទ្ធោ កូនប្រុសជាទីស្រឡាញ់ ដាច់ចិត្តធ្វើបែបនេះ ដោយយកខ្សែមកចង.កភ្ជាប់នឹងប្រហោងឥដ្ឋខ្យល់ស្លាប់បាត់ទៅហើយ ទើបផ្អើលឆោឡោទាំងក្រុមគ្រួសារ នាំគ្នាកាត់ខ្សែចំណងទម្លាក់ដាក់ចុះ រួចក៏រាយការណ៍ប្រាប់សមត្ថកិច្ច អាជ្ញាធរចុះទៅពិនិត្យមើលជាក់ស្តែង ។
និស្សិតរូបនោះប្រចណ្ឌច្រើន ចោទប្រកាន់ថា នាងបែកចិត្ត ទៅមានអ្នកផ្សេង ទើបឈានដល់វិប្បដិសារី ដក់ជាប់ក្នុងចិត្ត ទោះជាព្យាយាមបញ្ចុះបញ្ចូល ប្រាប់ហេតុផលយ៉ាងណាក្តី តែនៅមិនជឿ រហូតដល់យប់មុនកើតហេតុ ខឹងនាងខ្លាំងពេក តាមទូរស័ព្ទហើយប្រាប់ថា ចងកសម្លាប់ខ្លួនហើយ រួចក៏បិទទូរស័ព្ទទៅ ។ ពេលនោះនាងទូរស័ព្ទចូលហើយតែមិនលើក ទើបទូរស័ព្ទទៅប្រាប់ម្តាយរបស់យុវជនរូបនេះ ឲ្យទៅជួយមើលក្នុងបន្ទប់ ទើបឃើញជាក់ស្តែង បង្កឲ្យភ្ញាក់ផ្អើលតែម្តង ។
ជុំវិញការធ្វើអត្តឃាត របស់និស្សិតខាងលើ ធ្វើឲ្យក្រុមគ្រួសារ រន្ធត់ស្លុតចិត្ត ខំជំរុញបណ្តុះបណ្តាលឲ្យបានរៀនសូត្រ ក្នុងប្រទេស រហូតដល់ក្រៅប្រទេសប៉ុណ្ណឹងហើយ មិនគួរណាគិតខ្លីយ៉ាងនេះទៅវិញ ព្រោះតែរឿងស្នេហាជាមួយស្រីម្នាក់ទៅវិញ ម្តាយស្រែកទ្រហោយំ ឱបសពកូនប្រុស ទាំងក្តីមិនអស់ចិត្ត។ សមត្ថកិច្ចជំនាញ គ្រូពេទ្យ ឃើញថា ពិតជាស្លាប់ខ្លួន ដោយធ្វើអត្តឃាតចងកខ្លួនឯងពិតប្រាកដមែន ៕ ដោយ៖កូឡាប