កម្លាំងនគរបាល ព្រហ្មទណ្ឌកំរិតស្រាលបានបញ្ជូនជនសង្ស័យម្នាក់ជាមន្ត្រីនគរបាលបម្រើការនៅអង្គភាព មន្ទីរប្រឆាំងគ្រឿងញៀនទៅកាន់តុលាការក្រុងភ្នំពេញពាក់ព័ន្ធនឹងករណីបង្ក្រាបគ្រឿងញៀននៅក្នុង មជ្ឈមណ្ឌល កម្សាន្ត រ៉ក់ នៅរសៀល ថ្ងៃ ទី ១៧ ខែមិថុនា ឆ្នាំ ២០១៩នេះ។
ជនសង្ស័យ មានឈ្មោះ ឡេ ង សុខ គង់ ជាមន្ត្រីនគរបាលពាក់ស័ក្តិ ២ បម្រើការនៅអង្គភាពមន្ទីរ ប្រឆាំង គ្រឿងញៀន ត្រូវសមត្ថកិច្ចតាមចាប់បានកាលពី ថ្ងៃ ទី ១៦ ខែមិថុនានេះ តាមដីការបង្គាប់ឲ្យចាប់ខ្លួនរបស់ លោក សេង លាង ចៅក្រម ស៊ើបសួរ សាលាដំបូង រាជធានី ភ្នំពេញ បន្ទាប់ពីរត់គេចខ្លួន។
សូម រំលឹក ថា នគរបាល បានឆ្មក់ បង្ក្រាប គ្រឿងញៀន នៅ ក្នុង មជ្ឈមណ្ឌល កម្សាន្ត រ៉ ក់ (Rock Entertainments) កាលពី ថ្ងៃ ទី២៣ ខែមីនា ដោយ បាន ឃាត់ខ្លួន មនុស្ស ចំនួន ជាង៣០០ នាក់ រឹបអូស បាន សារធាតុ ញៀន ប្រភេទ ផ្សេង ៗ គ្នា ជា ច្រើន ចំនួន ៥០គីឡូក្រាម។ ចាប់ មនុស្ស១៧នាក់ ឃុំខ្លួន ក្នុង ពន្ធនាគារ ក្រោយ ពី តុលាការ បាន ចោទប្រកាន់ ពាក់ព័ន្ធ គ្រឿងញៀន ក្នុង នោះ មាន លោក ឧកញ៉ា គិត ធាង ដែល ជា ម្ចាស់ ក្លិប កម្សាន្ត រ៉ក់ ត្រូវបានតុលាការចេញដីឃុំខ្លួនដាក់ពន្ធនាគារ PJ៕ ដោយ៖កូឡាប