ខេត្តបន្ទាយមានជ័យ ៖ កងកម្លាំងនគរបាល ខេត្តបន្ទាយមានជ័យក្រោមការដឹកនាំបញ្ជាដោយផ្ទាល់ពី លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ ដោយមានការ សម្របសម្រួលពី លោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្តបន្ទាយមានជ័យ ដោយមានកិច្ចសហការជាមួយកម្លាំងនៃនាយកដ្ឋានព្រហ្មទណ្ឌ នៃអគ្គស្នងការនគរបាលជាតិនៃក្រសួងមហាផ្ទៃ ចុះបង្ក្រាបករណីចាប់ជំរិតទារប្រាក់ ដោយចាប់ជនល្មើស៣នាក់។
នៅថ្ងៃ ចន្ទ័ ១៥កើត ខែ ជេស្ឌឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី ១៧ ខែ មិថុនា ឆ្នាំ ២០១៩ ក្រោយពីបានទទួលព័ត៌មានថាមានករណីចាប់ជំរិតទារប្រាក់ពីនាយកដ្ឋាននគរបាលព្រហ្ម ទណ្ឌនៃអគ្គស្នងការ នគរបាលជាតិ នៃ ក្រសួងមហាផ្ទៃ ថា មានករណី ចាប់ជំរិតទារប្រាក់ ពីភ្នំពេញ មកដល់ ខេត្តបន្ទាយមានជ័យ ក្រោមការដឹកនាំបញ្ជាផ្ទាល់ ពីលោកឧត្តមសេនីយ៍ទៅ អាត់ ខែម ស្នងការនគរបាលខេត្តបន្ទាយមានជ័យ ដឹកនាំកម្លាំងផែនព្រហ្មទណ្ឌស្នងការខេត្ត ដែលមានលោកឧត្តមសេនីយ៍ត្រី សិទ្ធិ ឡោះ ជាស្នងការរងទទួលបន្ទូលកផែនព្រហ្មទណ្ឌ បើកកិច្ចប្រតិបត្តិការ ស្វែងរកមីខសញ្ញាពួកក្រុមឧក្រិដ្ឋជនយ៉ាងសកម្ម ហើយនៅវេលា ម៉ោង២៣និង៣០នាទី កំលាំងជំនាញ ព្រហ្មទណ្ឌ ខេត្ត និងកំលាំង អធិការដ្ឋាននគរបាល ស្រុកក្រុង។សូមបញ្ចាក់ថាជនរងគ្រោះមានឈ្មោះ ថៅ ណាក់ អាយុ ៣៧ ឆ្នាំ មានទីលំនៅបច្ចុប្បន្នភូមិបឹងទំពុន សង្កាត់បឹងទំពុន ខណ្ឌ័មានជ័យ ក្រុងភ្នំពេញ។
លោក ឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ បានឲ្យដឹងថា កិច្ចប្រតិបត្តិការ ចុះបង្ក្រាប ដោយចាប់បាន ជនល្មើសចំនួន ០៣នាក់ ៖ ១- ឈ្មោះ ព្រាប វណ្ណា ប្រុស ២៣ឆ្នាំ ជាអ្នក បើកបររថយន្ត ២ ឈ្មោះ ព្រាប វណ្ណះ ប្រុស ២៩ឆ្នាំ ជាអ្នកចាប់ជំរិត និង៣ឈ្មោះ វ៉ាន់ ស្រេត ប្រុស ២៨ឆ្នាំ ជាអ្នកសមគំនិត រួមជាមួយវត្ថុតាងរួមមានរថយន្តម៉ាក ឡិចស៊ីស៣០០ មួយគ្រឿង ពណ៌កាំម៉ៃ មាន ផ្លាកលេខ ភ្នំពេញ 2AL-8004 ជាមធ្យោបាយ នៅចំណុច សណ្ឋាគារ ស៊ីធីប៉ោយប៉ែត ក្រុងប៉ោយប៉ែត យកមកសាកសួរ នៅស្នងការដ្ឋាននគរបាលខេត្តបន្ទាយមានជ័យ ។ ក្រោយពីការិយាល័យជំនាញធ្វើការស្រាវជ្រាវយ៉ាងល្អិតល្អន់រួចមក ស្នងការនគរបាលខេត្តបន្ទាយមានជ័យ បានប្រគល់ ទាំងជនល្មើសនិងវត្ថុតាងទាំងអស់ជូនទៅ នាយកដ្ឋាននគរបាលព្រហ្មទណ្ឌនៃអគ្គស្នងការនគរបាលជាតិនៃ ក្រសួងមហាផ្ទៃដើម្បី ទទួលចាត់ការបន្តទៅ តាមនិតិវិធី នៃច្បាប់ ៕ ដោយ ៖ កូឡាប