កោះកុង ៖ ស្នងការដ្ឋាននគរបាលខេត្តកោះកុង បានឲ្យដឹងថា កាលពីថ្ងៃទី ១៧មិថុនា២០១៩ វេលាម៉ោង ១៤និង០៥នាទី រសៀល នៅលើផ្លូវជាតិលេខ ៤៨ ចន្លោះបង្គោលគីឡូម៉ែត្រលេខ ៦១-៦២ នៅចំណុចអន្ទង់អាំងធំ ស្ថិតក្នុងភូមិជីមាល ឃុំអណ្តូងទឹក ស្រុកបូទុមសាគរ ខេត្តកោះកុង មានករណីគ្រោះថ្នាក់ចរាចរណ៍កេីតឡើង ១ លេីក បង្ករដោយរថយន្ត ១ គ្រឿង (Hyundai) ពណ៌ ខៀវ គ្មានផ្លាកកលេខ ដឹកខ្សាច់ ក្នុងទិសដៅពីស្រុកស្រែអំបិល មកទីរួមខេត្តកោះកុង នៅពេលធ្វេីដំណេីរ មកដល់ចំណុចកេីតហេតុខាងលេី ពេលចុះចំណោត ដាច់ហ្វ្រាំង បានក្រឡាប់ធ្លាក់ផ្លូវដោយខ្លួនឯង បណ្តាលអោយស្លាប់ ១នាក់ និងរបួសធ្ងន់ ១ នាក់។
អ្នកបើកបររថយន្តមានឈ្មោះ ជួប ណារិទ្ធ ភេទប្រុស អាយុ ៤៧ឆ្នាំ ជនជាតិខ្មែរ មានទីលំនៅភូមិ១ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង បានស្លាប់កប់ក្នុងដី និងថ្ម នៅពីខាងមុខរថយន្ត ចំណែកឯអ្នករួមដំណេីរ ១នាក់ទៀត រងរបួសធ្ងន់ កំពុងសំរាកព្យាបាលនៅមន្ទីរពេទ្យបង្អែកខេត្តកោះកុង ។
បច្ចុប្បន្ន សាកសពជនរងគ្រោះ កម្លាំងយើងបានប្រគល់ជូនភរិយាសព យកទៅធ្វើបុណ្យតាមប្រពៃណី៕ ដោយ៖កូឡាប
