បុរសម្នាក់ត្រូវចាប់ខ្លួនបញ្ជូនទៅតុលាការ ក្នុងករណីទំនាស់ផឹកស៊ីមិនជល់កែវក៏ទាញកាំបិតទៅកាប់គូទំនាស់ក្នុងវង់ផឹកស៊ីនោះបណ្ដាលឲ្យបួសដៃ។
អធិការដ្ថាននគរបាលស្រុកមេមត់បានឲ្យដឹងថា ករណីហឹង្សាមួយកើត ដោយមូលហេតុផឹកស៊ីមិនជល់កែវទាស់ពាក្យសម្តីទាញកាំបិតបុ័ងតោកាប់លើភាគីទំនាស់បណ្តាលឲ្យដាច់របួសដៃឆ្វេង ។
ជនសង្ស័យឈ្មោះ លុញ សុខឃី ភេទប្រុស កើតនៅឆ្នាំ១៩៩០ ជាតិខ្មែរ រស់នៅភូមិកន្ទួត ឃុំជាំតាម៉ៅ ស្រុកមេមត់ ខេត្តត្បូងឃ្មុំ ត្រូវបានសមត្ថកិច្ចនគរបាលជំនាញនៃអធិការដ្ឋាននគរបាលស្រុកមេមត់ សហការជាមួយកម្លាំងនគរបាលប៉ុស្តិ៍ដ្ឋបាលជាំតាម៉ៅ បង្ក្រាបឃាត់ខ្លួនភ្លាមៗ នៅចំណុចផ្ទះជនសង្ស័យបន្ទាប់ពីធ្វើសកម្មភាពយកកាំបិតបុ័ងតោកាប់ទៅលើជនរងគ្រោះឈ្មោះ វ៉ា ឌី ភេទប្រុស អាយុ ២២ ឆ្នាំជាតិខ្មែរ រស់នៅភូមិ-ឃុំ ជាមួយគ្នាបណ្ដាលឲ្យរងរបួសស្រាល នាថ្ងៃទី១៧ខែ មិថុនាឆ្នាំ២០១៩ វេលាម៉ោង ១៦ និង ៣០ នាទី ។
បច្ចុប្បន្នជនសង្ស័យខាងលើត្រូវបានកម្លាំងជំនាញផ្នែកជំនាញយុត្តុិធម៌ កសាងសំណុំរឿងបញ្ជូនទៅអយ្យការអមសាលាដំបូងខេត្តត្បូងឃ្មុំ ចាត់ការតាមនិតិវិធី ៕ ដោយ៖កូឡាប