កំពង់ស្ពឺ ៖ ឈេីឈេីជ្រុងប្រភេទចម្រុះ ៥៤កំណាត់ ត្រូវកំលាំងនគរបាលប្រឆាំងបទល្មើសសេដ្ឋកិច្ចខេត្តសហការជាមួយកំលាំងនគរបាលស្រុកឱរ៉ាល់ចុះបង្រ្កាបបាននៅក្នុងទឹកដីឃុំតាសាល ស្រុកឱរ៉ាល់ ខេត្តកំពង់ស្ពឺ កាលពីថៃ្ងទី១៨ ខែមិថុនា ឆ្នាំ២០១៩ ។
នគរបាលប្រឆាំងបទល្មើសសេដ្ឋកិច្ចខេត្ដកំពង់ស្ពឺ ដឹកនាំដោយលោកឧត្តមសេនីយ៍ត្រី ប៊ុត ចាន់តារា ស្នងការរង អនុវត្ដតាមបញ្ជាលោកឧត្តមសេនីយ៍ទោ សម សាមួន ស្នងការនគរបាលខេត្ត ដឹកនាំកងកម្លាំងសហការជាមួយកំលាំងនគរបាលស្រុកឱរ៉ាល់ អាជ្ញាធរស្រុក ចុះប្រតិបត្តិការបង្ក្រាបទីតាំងសន្និធិឈេីគ្មានច្បាប់អនុញ្ញាតមួយកន្លែង ស្ថិតនៅចំណុចភូមិជាំ ឃុំតាសាល ស្រុកឱរ៉ាល់ ខេត្តកំពង់ស្ពឺ ។
ប្រតិបត្តិការបង្ក្រាបទីតាំងសន្និធិឈេីគ្មានច្បាប់អនុញ្ញាតខាងលេី គឺបន្ទាប់ពីមានព័ត៌មានពីមូលដលដ្ឋានផ្ដល់ថា ប្រទះឃើញគំនរឈេីប្រភេទចម្រុះដែលក្រុមឈ្មួញបានប្រមូលដឹកតាមមធ្យោបាយគោយន្ដយកមកលាក់ទុកក្នុងដីឡូមួយកន្លែង ស្ថិតនៅខាងក្រោយភូមិជាំចំងាយប្រមាណ ១០០ម៉ែត្រ ដោយមិនមានអ្នកចេញមុខទទួលខុសត្រូវនោះទេ( អញ្ញាតជន) តំបន់នេះស្ថិតក្រោមការគ្រប់គ្រងដោយដែនជម្រកសត្វព្រៃភ្នំឱរ៉ាល់ មិនស្ថិតក្នុងសមត្ថកិច្ចរដ្ឋបាលព្រៃឈេីនោះទេ។
តាមការបញ្ជាក់លោកឧត្ដមសេនីយ៍ត្រី ប៊ុត ចាន់តារា ស្នងការរង ដោយសារទីតាំងខាងលេីមិនអំណោយផលកំលាំងបានសហការជាមួយអាជ្ញាធរ មេភូមិ មេឃុំ អភិបាលស្រុក និងមន្ត្រីដែនជម្រកសត្វព្រៃភ្នំឱរ៉ាល់ ធ្វើការត្រួតពិនិត្យនិងដកហូតវត្ថុតាង រួមទាំងនោះរួមមាន ឈេីប្រភេទចំរុះក្រៅលំដាប់ថ្នាក់ ចំនួន ៥៤ដុំ ស្មើរនឹង ១២,៥៣៨ម៉ែត្រ គូប ប្រគល់ជូនស្នាក់ការរងដែនជម្រកសត្វព្រៃភ្នំឱរ៉ាល់ រក្សាទុកបណ្ដោះអាសន្ន និងកសាងសំណុំរឿង ចាត់ការតាមនីតិវិធីច្បាប់៕ ដោយ៖កូឡាប
