ទីក្រុងធំបំផុតទី ៦ របស់ប្រទេសឥណ្ឌា គឺទីក្រុង Chennai កំពុងជួបវិបត្តិខ្វះខាតទឹកយ៉ាងខ្លាំង ក្រោយពេលអាងស្តុកទឹកដ៏សំខាន់ចំនួន ៤ បានរីងអស់ ។
បញ្ហាខ្វះទឹកនេះ បានបង្ខំអាជ្ញាធរនៅក្នុងទីក្រុងឲ្យស្វែងរកដំណោះស្រាយជាបន្ទាន់សម្រាប់ពលរដ្ឋខ្លួន រួមមានការខួងអណ្តូងថ្មីៗជាច្រើន។
ប្រជាពលរដ្ឋក្នុងទីក្រុង ត្រូវឈរតំរង់ជួរជាច្រើនម៉ោង ដើម្បីយកទឹកដែលផ្តល់ពីរដ្ឋាភិបាល ចំណែកភោជនីដ្ឋាន និងសណ្ឋាគារជាច្រើនត្រូវបានបិទជាបណ្តោះអាសន្នដោយសារគ្មានទឹកប្រើប្រាស់ ។
មន្ត្រីឥណ្ឌាថ្លែងថា មានតែភ្លៀងប៉ុណ្ណោះដែលអាចសង្គ្រោះទីក្រុង Chennai ពីស្ថានភាពបច្ចុប្បន្នបាន ។
ទីក្រុងខាងលើកំពុងតែមានបញ្ហាខ្វះទឹកអស់ជាច្រើនសប្តាហ៍មកហើយ។
សូមបញ្ជាក់ថា Chennai គឺជាទីក្រុងធំបំផុតទី ៦ របស់ប្រទេសឥណ្ឌា។ នេះបើតាមការធ្វើជំរឿនប្រជាជនកាលពីឆ្នាំ ២០១១ ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC