មនុស្សយ៉ាងហោចណាស់ចំនួន ១២នាក់ បានស្លាប់ និងជាង ១០០នាកទៀតរងរបួស ក្នុងហេតុការណ៍រញ្ជួយដីនៅក្នុងខេត្ត Sichuan ប្រទេសចិន។
គ្រោះរញ្ជួយដីរង្វាស់ ៦រិចទ័របានវាយប្រហារទីក្រុង Yibin ស្ថិតក្នុងស្រុក Changning កាលពីថ្ងៃច័ន្ទកន្លងទៅ។
ក្រុមជួយសង្គ្រោះបានទាញជនរងរបួសជាច្រើននាក់ពីគំនរបាក់បែកនៃអាគារ។
មនុស្សជាង ៤.០០០នាក់បានផ្លាស់ទីលំនៅ ដោយសារតែផ្ទះរបស់ពួកគេត្រូវបានបំផ្លាញដោយគ្រោះធម្មជាតិនោះ។
ទូរទស្សន៍ចិនក៏បានធ្វើការរាយការណ៍ថា ក្រោយមានការរញ្ជួយដី ក៏មានការបាក់ដីផងដែរ បណ្តាលឲ្យកប់លើផ្លូវជាច្រើន ហើយផ្លូវសំខាន់ៗជាច្រើនរងការខូចខាត ជាពិសេសផ្លូវហាយវ៉េ ស្ថិតនៅចន្លោះទីក្រុង Yibin និង ស្រុក Xuyong។
ក្រុមជួយសង្គ្រោះចំនួនជាង ៥០០នាក់ត្រូវបានបញ្ជូនទៅកាន់កន្លែងរងគ្រោះ ហើយពួកគេបាននាំជំនួសទៅអោយអ្នករងគ្រោះផងដែររួមមានតង់ ៥.០០០ ប៉ៅអ៊ីបត់ ១០.០០០ និងសំភារៈជាច្រើនទេ។
សូមរម្លឹកថា ខេត្ត Sichuan របស់ចិនតែងតែរងការវាយប្រហារដោយគ្រោះរញ្ជូនដី។
កាលពីឆ្នាំ ២០០៨ មនុស្សជាង ៨៧.០០០នាក់បានស្លាប់ បន្ទាប់ពីគ្រោះរញ្ជួយដីរង្វាស់ ៧,៩រិចទ័រវាយប្រហារតំបន់មួយស្ថិតនៅចំងាយប្រហាម ៨០គីឡូម៉ែត្រពីទីក្រុង Chengdu៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC