ភ្នំពេញ ៖ អង្គភាពសុីម៉ាក់បានបន្តស្នេីសុំរដ្ឋាភិបាលចិនជួយគាំទ្ដល់កម្ពុជាបន្តទៀត ក្នុងការបោសសំអាតនិងបំផ្លាញចោលគ្រាប់មីន និងគ្រាប់យុទ្ធភណ្ឌ័មិនទាន់ផ្ទុះឱ្យបានឆាប់ពីព្រះរាជាណាចក្រនេះ។
លោកហេង រតនា អគ្គនាយកស៊ីម៉ាក់ នៅថ្ងៃទី២០មិថុនា បានសរសេរលើហ្វេសប៊ុកថា សូមអបអរសាទរនិងថ្លែងអំណរគុណ ដែលរដ្ឋាភិបាលនិងប្រជាជនចិន ដែលបានប្តេជ្ញាផ្តល់ជំនួយឥតសំណងសម្រាប់សកម្មភាពកំចាត់មីន ក្នុងសកលលោក និយាយជារួម និងនិយាយដោយឡែក រដ្ឋាភិបាលចិន បានផ្តល់ជំនួយឥតសំណងជូនរាជរដ្ឋាភិបាលកម្ពុជា ដេីម្បីជំរុញការបោសសំអាតគ្រាប់មីន និងសំណល់ជាតិ ពីសង្គ្រាមជូនប្រជាជនកម្ពុជា។
លោកបន្តថា ក្នុងនោះរដ្ឋាភិបាលចិន បានផ្តល់ការគាំទ្រដល់អង្គភាពសុីម៉ាក់តាមរយៈក្រសួងសេដ្ឋកិច្ចនិងហិរញ្ញវត្ថុ មានថវិកាសរុបចំនួន២លាន៥សែនដុល្លារ សម្រាប់រយៈពេល១២ខែ (មិថុនា២០១៨-ឧសភា២០១៩)។ ដែលត្រូវប្រតិបត្តិការនៅខេត្តព្រះវិហារ សៀមរាប កំពង់ធំ ស្ទឹងត្រែងជាដេីម។ អសូមអបអរសាទរនិងថ្លែងអំណរគុណដែលរដ្ឋាភិបាលនិងប្រជាជនចិនដែលបានប្តេជ្ញាផ្តល់ជំនួយឥតសំណងសំរាប់សកម្មភាពកំចាត់មីនក្នុងសកលលោកនិយាយជារួម និងនិយាយដោយឡែករដ្ឋាភិបាលចិនបានផ្តល់ជំនួយឥតសំណងជូនរាជរដ្ឋាភិបាលកម្ពុជា ដេីម្បីជំរុញការបោសសំអាតគ្រាប់មីននិងសំណល់ជាតិពីសង្គ្រាមជូនប្រជាជនកម្ពុជា។ ក្នុងនោះរដ្ឋាភិបាលចិនបានផ្តល់ការគាំទ្រដល់អង្គភាពសុីម៉ាក់តាមរយះក្រសួងសេដ្ឋកិច្ចនិងហិរញ្ញវត្ថុមានថវិកាសរុបចំនួន២លាន៥សែនដុល្លារសម្រាប់រយៈពេល១២ខែ (មិថុនា២០១៨-ឧសភា២០១៩)។ ដែលត្រូវប្រតិបត្តិការនៅខេត្តព្រះវិហារ សៀមរាប កំពង់ធំ ស្ទឹងត្រែងជាដេីម។ អង្គភាពសុីម៉ាក់បានបន្តស្នេីសុំរដ្ឋាភិបាលចិនជួយគាំទ្របន្តទៀត ដេីម្បីឱយកំលាំងអង្គភាពសុីម៉ាក់រួមជាមួយកំលាំងអង្គភាពជាតិមានកំលាំងកងយោធពលខេមរភូមិន្ទនិងកំលាំងនគរបាលជាតិ រួមគ្នាបោសសំអាតនិងបំផ្លាញចោលគ្រាប់មីននិងគ្រាប់យុទ្ធភណ្ឌ័មិនទាន់ផ្ទុះឱយបានឆាប់ពីព្រះរាជាណាចក្រនេះ។
សូមបញ្ជាក់ថា អង្គភាពសុីម៉ាក់ក័ទទួលជំនួយគាំទ្រពីរាជដ្ឋាភិបាល ពីដៃគូអភិវឌ្ឍន៍រួមមានរដ្ឋាភិបាលជប៉ុន អាមេរិក អូស្ត្រាលី កាណាដា ស្វីស អង្គការ UNDP, JICA, JMAS, NPA, APOPO, JICS, និងវិស័យឯកជនផងដែរ៕ ដោយ៖កូឡាប