ខេត្តស្វាយរៀង ៖ បុរស២នាក់ ត្រូវបានកម្លាំងនគរបាលប៉ុស្តិ៍រដ្ឋបាលឃុំសំឡី ស្រុកកំពង់រោទិ៍ ធ្វើការឃាត់ខ្លួន ខណៈដែលបុរសខាងលើកំពុងធ្វើសកម្មភាពលួចប្រលះសត្វគោអ្នកស្រុកយកសាច់ធ្វេីម្ហូប ស្របពេលនោះ សមត្ថកិច្ចចេញល្បាតក្នុងភូមិសាស្ត្ររបស់ខ្លួនពេលយប់ ក៏បានប្រទះឃេីញជនសង្ស័យតែម្តង ។
សមត្ថកិច្ចបានអោយដឹងថា ៖ នៅយប់ថ្ងៃទី១៩ ខែមិថុនា ឆ្នាំ២០១៩ ម៉ោង១៨,០០ នាទីនៅចំណុចខាងលិចទួលព្រៃពោន ចម្ងាយ ៥០០ម៉ែត្រ ស្ថិតក្នុងភូមិសំឡីខាងត្បូង ឃុំសំឡី កម្លាំងនគរបាលប៉ុស្តិ៍រដ្ឋបាលឃុំសំឡី ស្រុកកំពង់រោទិ៍ បានចេញល្បាតក្នុងភូមិសាស្ត្ររបស់ខ្លួនពេលយប់ ក៏បានប្រទះឃេីញជនសង្ស័យចំនួន ២ នាក់ កំពុងធ្វេីសកម្មភាពប្រលះសត្វគោ ឈ្មោល ១ ក្បាល ពណ៌ត្នោត ដែលរុំជាប់នឹង ដេីមអាកាស្យា លើភ្លឺប្រឡាយពេលនោះសមត្ថកិច្ចយើងក៏សួរនាំទើបដឹងថាជាចោរលួចប្រលះសាច់គោ ។
ប្រភពបានបន្តទៀតថា៖ជនសង្ស័យសមត្ថកិច្ចឃាត់ខ្លួននោះទី ១ ឈ្មោះ ញឹម ចន្នា ភេទប្រុស អាយុ៣៩ឆ្នាំ មុខរបរធ្វេីស្រែ មានទីលំនៅភូមិ ឃុំ(ខាងលើ) ទី២ ឈ្មោះអឿន ឈើកា ភេទប្រុស អាយុ ២៥ឆ្នាំ មុខរបរកម្មរ មានទីលំនៅ ភូមិសំឡីខាងជើង ឃុំសំឡី ជា( កូនប្រសារ)។
សមត្ថកិច្ចបានសួរចំលេីយជនសង្ស័យទាំងពីរនាក់ បានឆ្លេីយសារភាពថាខ្លួនពិតជាបានលួយវះគោរបស់ប្រជាពលរដ្ឋពិតមែន។ ហើយបច្ចុប្បន្នជនសង្ស័យទាំងពីរនាក់ ត្រូវបានកម្លាំងនគរបាលយេីងបំពេញសំណុំរឿង បញ្ជួនទៅតុលាការចាត់ការតាមនីតិវិធីច្បាប់ ៕ ដោយ ៖ វ៉ៃកូ