ព្រៃវែង ៖ រឿងដែលហួសចិត្តមានជនអាណាមិកមួយក្រុម បានចុះទិញដីធ្វើចលាចលដល់ពលរដ្ឋនៅខេត្តព្រៃវែង ស្រុកពោធិរៀង ធ្វើឲ្យពលរដ្ឋមួយចំនួនសប្បាយ និងមួយចំនួនទៀតមិនសប្បាយ ហើយមូលហេតុដែលពលរដ្ឋមិនសប្បាយគឺថាឈ្មួយទិញដីមកចុះទិញដីស្រែពលរដ្ឋហើយ មិនអស់ចិត្តស្រាប់តែមកវាតទីបោះបង្គោលយកបឹង ព្រែក របស់រដ្ឋបំរុងទុកដែលជារបស់រដ្ឋ សម្រាប់ពលរដ្ឋធ្វើស្រែចំការ និងនេសាទត្រី សម្រាប់ជញ្ចឹមជីវភាពរបស់ពួកគាត់ដែលជាកេរតំណែលតាំងពីដូនតាមកម្លេះ ។
ក្រោយផ្ទុះរឿងនេះកើតឡើង លោក សុន សុភី ប្រធានប្រតិបត្តិបក្សខ្មែរក្រោកប្រចាំខេត្តព្រៃវែង បានចុះដល់ទីតាំង និងសួរលោកមេឃុំថា តើពូមានដឹងទេថាគេបោះបង្គោល ដើម្បីអ្វីហើយចង់ធ្វើអ្វី ? (លោកមេឃុំ )បានឆ្លើយយ៉ាងមុតមាំថា ខ្ញុំមិនដឹង ស្តាប់ហើយចង់គាំងបេះដូង មេឃុំទាំងមូលហេតុអីចេះឆ្លើយបែបនេះទៅរួច ហើយមេឃុំរូបនេះដែរកំពុងដើរទិញដីជាមួយឈ្មួញ ។
បើតាមសម្តីពលរដ្ឋដែលរស់នៅក្នុងស្រុកពោធិរៀង ដែលកំពុងធ្វើស្រែចំការនិងនេសាទត្រីផងដែរនោះ បានអោយដឹងថាករណីបោះបង្គោលបំពានយកព្រែករបស់រដ្ឋនេះ គឺមានក្រុមអាណាមិកមួយក្រុមនិងមន្ត្រីមូលដ្ឋានរួមគំនិតគ្នាចុះទិញដីស្រែពលរដ្ឋ មិនអស់ចិត្តថែមទាំងរំលោភបំពានបោះបង្គោលយកព្រែករបស់រដ្ឋដែលទុកអោយពលរដ្ឋសម្រាប់អាស្រយ័ផលនិងនេសាទត្រីសម្រាប់ជីវភាពផងដែរ ។
ពលរដ្ឋបានត្អូញត្អែរហើយមិនសប្បាយចំពោះទង្វើបែបនេះ បើសិនគេលក់ព្រែករបស់នេះមែនតើពួកគាត់បានអីធ្វើស្រែចំការនិងនេសាទត្រីទៀតពីព្រោះសព្វថ្ងៃធ្វើស្រែនិងនេសាទត្រីរំពឹងតែព្រែកមួយហ្នឹង បើអត់ព្រែកនៅទៅបានអីអាស្រ័យផលទៀត ? ? ពួកគាត់គ្មានអ្វីទីពឹងទៀតទេ បើមន្ត្រីមូលដ្ឋានមិនដឹង ហើយមិនដឹងវាមិនសូវជាបញ្ហាទេ តែបែជារួមគំនិតជាមួយឈ្មួញទៅវិញ ។
ហេតុដូច្នេះហើយសូម លោក ជា សុមេធី អភិបាលខេត្តព្រៃវែង មេត្តាលោកជួយចុះមើលទុក្ខរបស់ពលរដ្ឋផង តើគេបោះបង្គោលក្នុងព្រែករដ្ឋដើម្បីអ្វី? បើតាមពលរដ្ឋគាត់បានអោយដឹងថា គេបោះបង្គោលនេះគឺដម្បីលក់ អោយឈ្មួញ អាស្រយ័ហេតុនេះហើយសូមលោក មេត្តាជួយ ចុះមើលផ្ទាល់ផង ៕ ដោយ៖បញ្ញាស័ក្តិ