ភ្នំពេញ ៖ យោងតាមចំណារដ៏ខ្ពង់ខ្ពស់របស់សម្ដេចតេជោ រដ្ឋាភិបាលឯកភាព តាមការស្នេីសុំរបស់សមាជិកឧត្តមក្រុមប្រឹក្សាពិគ្រោះ និងផ្ដល់យោបល់ពីគណបក្សខ្មែរក្រោក និង ចេញ សជណ ឲ្យលោកឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដីនគរូបនីយកម្មនិងសំណង់ ដោះស្រាយ ករណីមន្ត្រីថ្នាក់មូលដ្ឋាន និងមន្ត្រីពាក់ព័ន្ធ ឃុបឃិតយកដី ៩៩៩២ មែត្រក្រឡា ដែលមាន លោកស្រី ជា សារ៉ុម តំណាងអោយពលរដ្ឋ ១៦៣ គ្រួសារ នៅភូមិរោងចក្រ សង្កាត់គោកឃ្លាង ខណ្ឌ សែនសុខ រាជធានីភ្នំពេញ ។
វិធានការនេះធ្វេីឡេីងក្រោយពេលសមាជិកឧត្តមក្រុមប្រឹក្សាពិគ្រោះ និងផ្ដល់យោបល់ពីគណបក្សខ្មែរក្រោកបានចុះស្រាវជ្រាវតបតាមកិច្ចសុំអន្តរាគមន៍របស់ពលរដ្ឋ និងរកឃេីញនៅភាពមិនប្រក្រតីហេីយបន្តនីតិវិធីកសាងរបាយការណ៍ជូនសម្ដេចតេជោពិនិត្យកាលពីថ្មីៗនេះ ។
នេះបើតាមលោកវិល្លាម បានឲ្យដឹងនៅយប់ថ្ងៃទី ២០ ខែមិថុនា ឆ្នាំ ២០១៩នេះ លោកបានឲ្យដឹងទៀតថា យេីងខ្ញុំនឹងប្រេីសមត្ថកិច្ចក្នុងការតាមដានការអនុវត្តន៍ច្បាប់ដេីម្បីឃ្លាំមេីលការអនុវត្តន៍ខ្លឹមសារ សជណ នេះ បន្តទៀត ។
ជាមួយគ្នានេះដែរ លោកបាន សម្ដែងការអបអរសាទរ ជូនដល់ពលរដ្ឋ ១៦៣ គ្រួសារផងដែរ ៕ ដោយ៖បញ្ញាស័ក្តិ