ភ្នំពេញ ៖ ស្រាបៀរលីអូបានប្រគល់រង្វាន់ជាច្រើនជាចំណងដៃសុភមង្គលជូនដល់គូស្វាមីភរិយាថ្មី ចំនួន១០ គូ ដែលបានឈ្នះរង្វាន់ពីកម្មវិធីចំណងដៃដ៏មានន័យជាមួយស្រាបៀរលីអូនៅក្នុងការប្រគំតន្ត្រី “A1 Concert” របស់ស្ថានីយទូរទស្សន៍ MYTV នៅថ្ងៃទី២៣ ខែមិថុនា ឆ្នាំ២០១៩។
គូស្វាមីភរិយាថ្មី២គូដែលបានឈ្នះរង្វាន់ទឹកប្រាក់សុទ្ធចំនួន៥,០០០ដុល្លារ និង៨គូផ្សេង ទៀតបានឈ្នះរង្វាន់ទឹកប្រាក់សុទ្ធចំនួន១,០០០ដុល្លារដែលពួកគាត់បានមកពីទូទាំងប្រទេសមានរាជធានីភ្នំពេញ និងបណ្តាខេត្តនានា។
គូស្វាមីភរិយាថ្មីមួយគូលោក វ៉ាន់ សួន និងលោកស្រី នឿន ចាន់នី មកពីខេត្តកំពង់ធំ ដែលជាម្ចាស់រង្វាន់ទឹកប្រាក់សុទ្ធ ៥,០០០ដុល្លារបានឲ្យដឹងថា យើងទាំង២នាក់រំភើបភ្ញាក់ផ្អើលរកអ្វីមកប្រៀបមិនបានទេ ពេលដែលឮគេប្រកាសឈ្មោះអ្នកឈ្នះរង្វាន់គឺជាខ្លួននៅក្នុងកម្មវិធីចាប់ឆ្នោតផ្សងសំណាងកាលពីថ្ងៃទី២៣ ខែមិថុនាកន្លងទៅ នេះជាចំណងដៃដ៏រីករាយអស្ចារ្យបំផុតសម្រាប់ពួកយើង។
លោក រ័ត ចាន់វិសាលសក្ស អ្នកតំណាងរបស់ក្រុមហ៊ុនស្រាបៀរលីអូបានថ្លែងក្នុងកម្មវិធីប្រគល់រង្វាន់ថា ជារៀងរាល់ឆ្នាំស្រាបៀរលីអូតែងមានកម្មវិធីចំណងដៃដ៏មានន័យជាមួយស្រាបៀរលីអូ ដើម្បីជាកិច្ចថ្លែងអំណរគុណ និងបង្ហាញពីការយក ចិត្តទុកដាក់របស់ក្រុមហ៊ុនចំពោះអតិថិជនដ៏មានតម្លៃរបស់យើង ដែលបានជ្រើសរើសស្រាបៀរលីអូ សម្រាប់ថ្ងៃមង្គលរបស់ពួកគេ ហើយយើងក៏សង្ឃឹមថាអតិថិជននៅតែ បន្តគាំទ្រស្រាបៀរ លីអូ ដើម្បីញ៉ាំងឲ្យកម្មវិធីមង្គលការកាន់តែមានភាពសប្បាយរីករាយ។
នេះជាការចាប់រង្វាន់លើកទី៤សម្រាប់កម្មវិធីចាប់ឆ្នោតផ្សងសំណាងផ្តល់ចំណងដៃដ៏មានន័យឆ្នាំ២០១៩ នេះ។ សូមជាវស្រាបៀរលីអូសម្រាប់ទទួលភ្ញៀវក្នុងពិធីអាពាហ៍ពិពាហ៍របស់លោកអ្នក ពីព្រោះនៅមានរង្វាន់ជាច្រើនសន្ធឹកសន្ធាប់ទៀត កំពុងរង់ចាំលោកអ្នក។
ស្រាបៀរលីអូជាស្រាបៀរដ៏ល្អ និងស័ក្តិសមបំផុតសម្រាប់កម្មវិធីពិធីអាពាហ៍ពិពាហ៍ របស់លោកអ្នក។ ដូច្នេះ សូមកុំភ្លេចជាវស្រាបៀរលីអូសម្រាប់ថ្ងៃពិសេសរបស់លោកអ្នកដើម្បីទទួលបានចំណងដៃដ៏មានន័យពីស្រាបៀរ លីអូ ។ ស្រាបៀរ លីអូ កាន់តែរីករាយលើសពីក្តីប្រាថ្នា! ៕ ដោយ ៖ កូឡាប