មេដឹកនាំកូរ៉េខាងជើង គីម ជុងអ៊ុនទទួលបានសំបុត្រផ្ទាល់ពីមេដឹកនាំអាមេរិច ដូណាល់ ត្រាំ។ លោក គីម ជុងអ៊ុន សរសើរដល់សំបុត្រដែលត្រាំផ្ញើជូនលោក ថាល្អណាស់ គាត់បញ្ជាក់ថា គាត់នឹងយកចិត្តទុកដាក់លើសេចក្តីក្នុងសំបុត្រ។ នេះបើតាមការចុះផ្សាយរបស់សារពត៌មានរដ្ឋកូរ៉េខាងជើង KCNA។
មេដឹកនាំផ្តាច់ការរូបនោះក៏បានសរសើរដល់សេចក្តីក្លាហ៊ានមិនធម្មតារបស់លោក ដូណាល់ ត្រាំផងដែរ។ ទោះយ៉ាងណា សេចក្តីលំអិតនៅក្នុងសំបុត្រនោះមិនត្រូវបានគេបញ្ចេញអោយដឹងនោះទេ។
សេតវិមានអាមេរិចបញ្ជាក់ថាពិតជមានការផ្ញើសំបុត្រដោយលោកដូណាល់ ត្រាំមែន និងមានការសរសេរទាក់ទងគ្នា រវាងមេដឹកនាំទាំងពីរ។
សូមរម្លឹកផងដែរថា កាលពីដើមខែនេះ លោកត្រាំ បានបញ្ជាក់ថាលោកបានទទួលសំបុត្រដ៏ល្អមួយពីមេដឹកនាំកូរ៉េខាងជើង។ គេមិនបានបញ្ជាក់ថា តើសំបុត្ររបស់លោក ត្រាំ និងគីម ជុងអ៊ុនដែលផ្ញើឲ្យគ្នានោះត្រូវគេធ្វើការបញ្ជូនយ៉ាងណាទេ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
