ខេត្តស្វាយរៀង៖ ស្នងការដ្ឋាននគរបាលខេត្តស្វាយរៀង បានឲ្យដឹងថា ព្រឹកថ្ងៃទី២៤ ខែមិថុនា ឆ្នាំ២០១៩ ម៉ោង០៦,១០នាទី កម្លាំងប៉ុស្តិ៍នគរបាលរដ្ឋបាលសង្កាត់បាវិត កម្លាំងប៉ុស្តិ៍នគរបាលរដ្ឋបាលព្រៃអង្គុញ និងកម្លាំងជំនាញ នៃអធិការដ្ឋាននគរបាលក្រុងបាវិត បានតាមប្រម៉ាញ់ និងឃាត់ខ្លួនជនសង្ស័យ ១ នាក់ ឈ្មោះម៉ាយ កុងទឹងអាង (MAI CONG TUAN ANH) ភេទប្រុស អាយុ២៤ឆ្នាំ ជនជាតិវៀតណាម មុខរបរមិនពិតប្រាកដ មានទីលំនៅភូមិចាំវ៉ាំងហាយ ឃុំកូយ៉ូវ ស្រុកកូយ៉ូវ ខេត្តតៃនិញ ប្រទេសវៀតណាម បានធ្វេីសកម្មភាពលួចកាច់(ក) ម៉ូតូ ១ គ្រឿង ម៉ាកYamaha SIRIUS ពណ៌ក្រហម-ខ្មៅ ពាក់ផ្លាកលេខ 62-P1 452.03 កាលពីវេលាម៉ោង០៥:៣០នាទីទាបភ្លឺ នៅចំណុចនៅចំណុចភូមិអង្គរសាលា សង្កាត់ព្រៃអង្គុញ ក្រុងបាវិត ខេត្តស្វាយរៀង របស់ជនរងគ្រោះឈ្មោះ សេក ភ័ត្ត្រា ភេទប្រុស អាយុ៣៥ឆ្នាំ ជនជាតិខ្មែរ មុខរបរកសិករ មានទីលំនៅភូមិអង្គរសាលា សង្កាត់ព្រៃអង្គុញ ក្រុងបាវិត ខេត្តស្វាយរៀង
ក្នុងប្រតិបត្តិការនោះកម្លាំងនគរបាលបានដកហូតវត្ថុតាង ម៉ូតូ១ គ្រឿង ម៉ាកYamaha SIRIUS ពណ៌ក្រហមលាយខ្មៅ ពាក់ផ្លាកលេខ 62-P1 452.03 សោរសំរាប់ភ្ជាប់ជាមួយឧបករណ៍ កាច់សោក ចំនួន ១ កំផ្លេ ។
បច្ចុប្បន្នជនសង្ស័យ ត្រូវបានសមត្ថកិច្ចយេីងកសាងសុំណុំរឿង បញ្ជូនទៅសាលាដំបូងខេត្ត ចាត់ការតាមផ្លូវច្បាប់៕ ដោយ៖បញ្ញាស័ក្តិ
