ភ្នំពេញ ៖ កម្ពុជាមានផ្ទៃដីរងនូវការគំរាមប្រមាណ២១៤៨គីឡូម៉ែត្រការ៉េ ក្នុងនោះផ្ទៃដីដែលមានមីនថ្មើរជើង 919 គីឡូម៉ែត្រការ៉េ ផ្ទៃដីដែលមានគ្រាប់បែកចង្កោម ៧៣២គីឡូម៉ែត្រការ៉េ នឹងផ្ទៃដីដែលមានសំណល់ជាតិផ្ទុះពីសង្គ្រាមផ្សេងទៀត ៤៩៧ គីឡូម៉ែត្រការ៉េ ត្រូវការថវិកាសម្រាប់បោកសំអាតប្រមាណ ៣៥៤លានដុល្លារអាមេរិច។ ប្រមុខរាជរដ្ឋាភិបាលកម្ពុជា បានឯកភាពកំណត់យកឆ្នាំ ២០២៥ ជាឆ្នាំដែលកម្ពុជា អស់ការគំរាមដោយសារមីន។
ជារៀងរាល់ឆ្នាំចាប់ពីឆ្នាំ ២០១៥ សាធារណរដ្ឋប្រជាមានិតចិន បានប្រើជំនួយលើវិស័យបោសសំអាតមីន តាមរយៈអាជ្ញាធរមានកម្ពុជា រួមមានការផ្ដល់វគ្គបណ្ដុះបណ្ដាល លើការបោកសំអាតមីន តាផ្ដល់ជាថវិកា សម្រាប់ជួសជុលអគារមជ្ឈមណ្ឌលបោសសំអាតមីនតំបន់អាស៊ាន ផ្ដល់រថយន្ត ម៉ូតូ កុំព្យូទ័រ ម៉ាស៊ីនរាវមីន អាវក្រោះ មួកការពារ តង់ យន្តហោះបញ្ជាដ្រូន រទេះសម្រាប់ជនពិការ និងឯកសណ្ឋាន។ ថហូតមកដល់ពេលវេលាតាមចំនួន 110 នាក់មកពីអាជ្ញាធរមីន និងកងយុទ្ធពលខេមរភូមិន្ទ ចូលរួមវគ្គបណ្ដុះបណ្ដាលជំនាញ ស្ដីពីការបោសសំអាតមីន និងសំណល់ជាតិផ្ទុះពីសង្គ្រាម ពីសាកលវិទ្យាល័យបច្ចេកទេស និងវិទ្យាសាស្ត្រកងទ័ពរំដោះប្រជាជនចិន នៅទីក្រុងណានជីង។
នៅព្រឹកថ្ងៃទី ២៤ ខែមិថុនាឆ្នាំ ២០១៩ នៅអគ្គលេខាដ្ឋានអាជ្ញាធរមាន បានរៀបចំពិធីប្រគល់ទទួល សម្ភារៈជំនួយ របស់សាធារណរដ្ឋប្រជាមានិតចិន សម្រាប់វិស័យសកម្មភាពមីន ក្រោមអធិបតីភាព លោកទេសរដ្ឋមន្ត្រីលី ធុជ អនុប្រធានទី 1 អាជ្ញាធរមីន និងលោកវ៉ាង វិនធាន ឯកអគ្គរដ្ឋទូតវិសាមញ្ញនិងពេញសមត្ថភាព នៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា។
វិធីចុះហត្ថលេខាប្រគល់ទទួលសម្ភារៈនេះ បានធ្វើឡើង រវាងលោកព្រំ សុភមង្គល អគ្គលេខាធិការអាជ្ញាធរមីន ដឹងលោកម៉ា ស៊ាងគន់ អគ្គនាយករងក្រសួងការបរទេស នៃសាធារណរដ្ឋប្រជាមានិតចិន ។ សម្ភារៈដែលត្រូវប្រគល់ទទួល មានរថយន្តចំនួន ៤គ្រឿងម៉ូតូចំនួន ១០គ្រឿង ម៉ាស៊ីនរាវមីន ៤០គ្រឿង ប្រអប់សម្ភារៈ ១១០ឈុត សម្លៀកបំពាក់ការពារ ៤០ កំប្លេ មួកការពារ ៤០ មួក ម៉ាស៊ីនដ្រូន 05 គ្រឿង ម៉ាស៊ីនបំផ្ទុះ 115 គ្រឿង ឯកសណ្ឋានស្បែកជើង ខ្សែក្រវ៉ាត់មួក ១០០០កំប្លេ និងថ្នាំម៉ាស៊ីនព្រីន 69ប្រអប់។
លោកទេសរដ្ឋមន្ត្រីលី ធុជ បានថ្លៃអំណរគុណជូនចំពោះរដ្ឋាភិបាល និងប្រជាជន នៃសាធារណរដ្ឋប្រជាមានិតចិន ចំពោះការគាំទ្រ និងបន្តគាំទ្រ វិស័យសកម្មភាពមីន នៅកម្ពុជា ដោយបានផ្ដល់នូវជំនួយ ជាថវិកាសម្ភារៈ និងជំនាញបច្ចេកទេស៕ ដោយ៖កូឡាប