ខេត្តស្វាយរៀង ៖ បុរសជាជនសង្ស័យម្នាក់ ត្រូវបានពលរដ្ឋដែលជាម្ចាស់ផ្ទះនិងកម្លាំងប្រជាការពារភូមិកំពុងដើរល្បាតប្រទះឃើញជនសង្ស័យកំពុងធ្វើសកម្មភាពកាត់សោរបំរុងចូលលួចម៉ូតូតែចាប់ជាប់ប្រគល់អោយសមត្ថកិច្ច។
ករណីចោកាត់សោរចូលលួចម៉ូតូនេះបានកើតឡើងកាលពីវេលាម៉ោង២និង១០នាទីថ្ងៃទី២៥ ខែមិថុនា ឆ្នាំ២០១៩ នៅភូមិ កំពោតជ្រូក សង្កាត់ព្រៃអង្គុញ ក្រុងបាវិត ខេត្តស្វាយរៀង ។
យោងតាមសមត្ថកិច្ចបានអោយដឹងថា ៖ នៅវេលាកើតហេតុខាងលើជនសង្ស័យបានធ្វើសកម្មភាពលួចកាត់សោរបំពុលឆ្កែ ចូលយកម៉ូតូបន្ទប់ក្រោមផ្ទះរបស់ឈ្មោះ សៅ សារិទ្ទ ភេទប្រុស អាយុ៣៣ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិកំពោតជ្រូក សង្កាត់ព្រៃអង្គុញ ក្រុងបាវិត ខេត្តស្វាយរៀង។
ប្រភពបានបន្តអោយដឹងទៀតថា ៖ ខណៈដែលជនសង្ស័យកំពុងធ្វើសកម្មភាពត្រូវបានម្ចាស់ផ្ទះនិងកម្លាំងប្រជាការពារភូមិតាមទាន់កំពុងធ្វើសកម្មភាពកាត់សោរបានចាប់ជាប់និងប្រគល់អោយសមត្ថកិច្ចតែម្តង។ហើយជនសង្ស័យដែលចាប់បាននោះមានឈ្មោះជុន សំណាង ភេទប្រុស អាយុ៤០ឆ្នាំជនជាតិខ្មែរ មានទីលំនៅភូមិត្រាំកក់ ឃុំត្រាំកក់ ស្រុកត្រាំកក់ ខេត្តតាកែវ និងម្នាក់ទៀតឈ្មោះ នី ភេទប្រុស អាយុប្រហែល៣៣ឆ្នាំ ជនជាតិខ្មែរ មានទីលំនៅមិនពិតប្រាកដ បានជិះម៉ូតូបើកគេចខ្លួនបាត់យកមិនទាន់បាន។
បច្ចុប្បន្នជនសង្ស័យត្រូវសមត្ថកិច្ចយើងបានធ្វើការឃាត់ខ្លួនជាបណ្តោះអាសន្ននៅអធិការនគរបាលក្រុងបាវិត ដើម្បីបំពេញសំណុំរឿងបញ្ជួនទៅស្នងការដ្ឋាននគរបាលខេត្តស្វាយរៀងដើម្បីចាត់ការតាមនីតិវិធីច្បាប់ ៕ ដោយ ៖ វ៉ៃកូ