តុលាការក្នុងប្រទេសវៀតណាម បានកាត់ទោសពលរដ្ឋអាមេរិចកាំងម្នាកឲ្យជាប់គុករយៈពេល ១២ឆ្នាំ ក្រោយរកឃើញថាគាត់បានប៉ុនប៉ងផ្តួលរំលំរដ្ឋាភិបាលវៀតណាម។
លោក Michael Phuong Minh Nguyen វ័យ ៥៥ បានទទួលស្គាល់ថា គាត់ចង់ញុះញុងឲ្យមានការតវ៉ាប្រឆាំងនឹងវៀតណាម។ នេះបើតាមមេធាវីរបស់លោកបញ្ជាក់ប្រាប់ BBC។
ប៉ុន្តែលោកបានធ្វើការបដិសេធថាលោកមានគំរោងវាយប្រហារការិយាល័យរដ្ឋាភិបាលជាច្រើនកន្លែង ក្នុងទីក្រុងហាណូយ និងហូជីមិញ ដោយប្រើប្រាសគ្រាប់បែកសាំង។
លោកត្រូវបានអាជ្ញាធរវៀតណាមចាប់ខ្លួនកាលពីឆ្នាំមុន។ លោកនឹងត្រូវគេដេញចេញពីប្រទេសវៀតណាម ក្រោយទទួលទោសរួច។
បុរសវៀតណាម ៣នាក់ផ្សេងទៀតក៏ត្រូវបានតុលាការកាត់ទោសឲ្យជាប់គុកក្នុងរយៈពេលផ្សេងៗគ្នា
ផងដែរពីបទជាប់ពាក់ព័ន្ធ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
