ប្រធានាធិបតីអាមេរិចលោក ដូណាល់ ត្រាំ បានធ្វើការប្រកាសថា គាត់បានដាក់ទណ្ឌកម្មដ៏ធ្ងន់បំផុតថ្មីមួយលើអ៊ីរ៉ង់ រួមមានលើការិយាល័យរបស់មេដឹកនាំជាន់ខ្ពស់របស់អ៊ីរ៉ង់គឺលោក Ali Khamenei។
លោកត្រាំ ថ្លែងថាការដាក់ទណ្ឌកម្មបន្ថែមនេះគឺជាការឆ្លើយតបទៅនឹងការបាញ់ទម្លាក់យន្តហោះដ្រូនរបស់អាមេរិច និងរឿងជាច្រើនទៀត។
លោក Ayatollah Khamenei គឺជាមេដឹកនាំខ្ពស់បំផុតរបស់អ៊ីរ៉ង់ ពីព្រោះគាត់ជាអ្នកទទួលខុសត្រូវខ្ពស់បំផុតក្នុងការដឹកនាំរបបអ៊ីរ៉ង់។
ជុំវិញការដាក់ទណ្ឌកម្មថ្មីរបស់អាមេរិចនេះ រដ្ឋមន្ត្រីការបរទេសអ៊ីរ៉ង់ លោក Javad Zarif បានថ្លែងថា ប្រជាជនអាមេរិចស្អប់ការទូត។ លោកបានចោទប្រកាន់រដ្ឋបាលរបស់លោក ដូណាល់ ត្រាំថា ស្រែកឃ្លាននឹងសង្គ្រាម។
ទណ្ឌកម្មថ្មីរបស់អាមេរិចនេះ នឹងធ្វើឲ្យមានការបង្កកទ្រព្យសម្បត្តិរបស់ពាន់លានដុល្លារបស់អ៊ីរ៉ង់។
ក្រុមប្រឹក្សាសន្តិសុខអង្គការសហប្រជាជាតិបានជំរុញឲ្យមានការអត់ធ្មត់ និងប្រើប្រាស់ការទូត។
សូមបញ្ជាក់ថា ភាពតានតឹងនៅក្នុងតំបន់កំពុងតែក្តៅខ្លាំងក្នុងរយៈពេលប៉ុន្មានសប្តាហ៍ថ្មីៗនេះ ក្រោយពេលមានការវាយប្រហារលើកប៉ាល់ដឹកប្រេងនៅឈូងសមុទ្រអូម៉ង និងការបាញ់ទម្លាប់យន្តហោះដ្រូនរបស់អាមេរិចដោយយោធាអ៊ីរ៉ង់៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
