កំពង់ស្ពឺ ៖ រថយន្តទំនើបចំនួន០៥គ្រឿង ត្រូវបានសាខាគយ និងរដ្ឋាករខេត្តកំពង់ស្ពឺ សហការជាកម្លាំងកងរាជអាវុធហត្ថខេត្តកំពង់ស្ពឺស្រាវជ្រាវ និងឈានទៅបង្ក្រាបបាននៅចំណុចភូមិសាស្ត្រក្រុងច្បារមន ខេត្តកំពង់ស្ពឺ កាលពីរសៀលថ្ងៃទី២៤ ខែមិថុនា ឆ្នាំ២០១៩ ។
រថយន្តដែលកម្លាំងស្រាវជ្រាវ និងឈានទៅបង្ក្រាបបានចំនួន០៥គ្រឿងមាន៖ទី១ Lexus 350 ផលិតឆ្នាំ 2012 ពាក់ស្លាកលេខភ្នំពេញ 2AS-2244 ,ទី២ TOYOTA Vellfire ផលិតឆ្នាំ2013 ពាក់ស្លាកលេខខេមរភូមិន្ទ ខម01-2-2547, ទី៣ Lexus GS300 ផលិតឆ្នាំ2006 ពាក់ស្លាកលេខ ភ្នំពេញ2AG-3893,ទី៤ TOYOTA Land Cruiser ផលិតឆ្នាំ2011 ពាក់ស្លាកលេខភ្នំពេញ 2AO-9313, ទី៥ Rang Rover ផលិតឆ្នាំ2006 ពាក់ស្លាកលេខខេមរភូមិន្ទ ខម02-2-1528 ។
បើទោះបីរថយន្តទាំង០៥គ្រឿងមានបំពាក់ស្លាកលេខពិតមែន តែតាមការស្រាវជ្រាវរបស់សាខាគយ និងរដ្ឋាករខេត្តកំពង់ស្ពឺបានរកឃើញថារថយន្តមិនទាន់បានបំពេញកាតព្វកិច្ច ពន្ធ និងអាករ នាំចូលឲ្យបានត្រឹមត្រូវឡើយ ទើបឈានទៅបង្ក្រាបឃាត់ទុកបែបនេះ ។ សាខាគយបានស្នើសុំឲ្យពលរដ្ឋមេត្តាចូលរួមបំពេញកាតព្វកិច្ច ពន្ធគយ និងរដ្ឋាករឲ្យបានត្រឹមត្រូវ ហើយរាល់ការទិញឬលក់រថយន្តត្រូវពិនិត្យផ្ទៀងផ្ទាត់គ្រប់ឯកសារគយច្បាស់លាស់ផងដែរ ។
សូមបញ្ជាក់ថា ករណីនៃបង្ក្រាបបទល្មើសគយទាមទាឲ្យមន្ត្រីគយ បើកការស្រាវជ្រាវប្រមូលព័ត៌មានឲ្យបានច្បាស់លាស់ និងប្រកបដោយវិជ្ជាជីវៈនិងច្បាប់ ។
បច្ចុប្បន្នសាខាគយ និងរដ្ឋាករខេត្តកំពង់ស្ពឺធ្វើកំណត់ហេតុបទល្មើសគយបញ្ជូនទៅអគ្គនាយកដ្ឋានគយ និងរដ្ឋាករសុំសេចក្តី សម្រេច៕ ដោយ៖កូឡាប
