ភ្នំពេញ ៖ វត្តមានរបស់នយោបាយឈ្នះឈ្នះ និងការតស៊ូគ្រប់បែបយ៉ាង របស់រាជរដ្ឋាភិបាល ដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខ បានផ្តល់លទ្ធភាពឱ្យកម្ពុជា ធ្វើការបង្រួបបង្រួមកម្លាំង ដែលបែកខ្ញែក ឱ្យក្លាយជាកម្លាំងជាតិតែមួយ ទទួលបានការឯកភាពជាតិពេញលេញ។
សម្តេចពិជ័យសេនា ទៀ បាញ់ បានមានប្រសាសន៍ថា ទម្រាំមានថ្ងៃនេះ រាជរដ្ឋាភិបាល ក្រោមការដឹកនាំ ប្រកបដោយកិត្តិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានដាក់ចេញ និងពុះពារគ្រប់ឧបសគ្គ ដើម្បីអនុវត្តនូវនយោបាយឈ្នះឈ្នះ។
សម្ដេចពិជ័យសេនា បានថ្លែងតាមរយៈហ្វេសប៊ុកផ្លូវការ នៅថ្ងៃទី 26 មិថុនានេះ វត្តមានរបស់នយោបាយឈ្នះឈ្នះ និងការតស៊ូគ្រប់បែបយ៉ាង របស់រាជរដ្ឋាភិបាល ដែលមាន សម្តេចអគ្គមហាសេនាបតីតេជោ ហ៊ុន សែន ជាប្រមុខ បានផ្តល់លទ្ធភាពឱ្យកម្ពុជា ធ្វើការបង្រួបបង្រួមកម្លាំង ដែលបែកខ្ញែក ឱ្យក្លាយជាកម្លាំងជាតិតែមួយ ទទួលបានការឯកភាពជាតិពេញលេញ ដែលជាកត្តាយ៉ាងសំខាន់បំផុត ក្នុងដំណើរការស្វែងរកសុខសន្តិភាព និងការអភិវឌ្ឍជូនសង្គមជាតិ។ បើគ្មានវត្តមាន នយោបាយឈ្នះឈ្នះរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ប្រហែលជាយើងកំពុងបន្តរស់នៅ ដោយការភ័យខ្លាច គ្មានលទ្ធភាពប្រកបរបរចិញ្ចឹមជីវិត ឱ្យបានពេញលេញ មិនហ៊ានសូម្បីតែធ្វើដំណើរ ទៅតំបន់មួយចំនួន នៃមាតុភូមិកំណើតរបស់ខ្លួន មានការលំបាក ក្នុងការប្រតិបត្តិជំនឿសាសនា គ្មានលទ្ធភាព ទទួលបានការអប់រំសមរម្យ និងមិនអាចចូលរួមអបអរសាទរ យ៉ាងសប្បាយរីករាយ ក្នុងឱកាសបុណ្យនានា ដូចសព្វថ្ងៃនេះឡើយ៕ ដោយ៖កូឡាប