ប្រទេសចិនបានធ្វើការផ្អាកការនាំចូលផលិផលសាច់ជ្រូកពីប្រទេសកាណាដា ដែលវិធានការនេះ បានធ្វើឲ្យភាពតានតឹងរវាងប្រទេសទាំងពីរកាន់តែកើនឡើងមួយកម្រិតទៀត។
វិធានការរបស់ចិនកើតឡើង ក្រោយពេលអាជ្ញាធរចិនបានធ្វើការស៊ើបអង្កេត និងបានរកឃើញថា មានលិខិតបញ្ជាក់សុខភាពចំនួន ១៨៨ត្រូវបានគេក្លែងបន្លំ ដើម្បីភ្ជាប់ទៅនឹងការនាំចេញចូលសាច់ជ្រូកទៅចិន។
ប្រទេសចិនបានជំរុញឲ្យកាណាដាចាត់វិធានការឲ្យមានប្រសិទ្ធភាព ដើម្បីធានាដល់សុវត្ថិភាពចំណីអាហារដែលលក់ទៅអោយប្រទេសខ្លួន។
នៅក្នុងសេចក្តីប្រកាស ស្ថានទូតចិនប្រចាំទីក្រុង Ottawa បានថ្លែងថា ចិនបានធ្វើការផ្អាកការនាំចូលសាច់ជ្រូកពីប្រទេសកាណាដាភ្លាមៗ ក្រោយពេលរកឃើញថាមានសាច់ជ្រូកសល់ត្រូវបានគេដាក់បញ្ជូលក្នុងផលិតផលសាច់ជ្រូកនាំចូលចិន ពីប្រទេសកាណាដា។
“ដើម្បីការពារសុវត្ថិភាពរបស់អ្នកប្រើប្រាស់ចិន អាជ្ញាធរចិនបានចាត់វិធានការការពារភ្លាមៗ និងបានស្នើឲ្យកាណាដាផ្អាកការចេញលិខិតបញ្ជាក់សម្រាប់ការនាំចេញសាច់ជ្រូកទៅចិន ចាប់តាំងពីថ្ងៃទី ២៥ ខែមិថុនាម្លេះ”។
សូមបញ្ជាក់ថា ប្រទេសចិនគឺជាទីផ្សារដ៏ធំមួយរបស់ផលិតផលសាច់ជ្រូកកាណាដា។ កាលពីខែមិនាកន្លងទៅ ប្រទេសកាណាដា បាននាំចេញសាច់ជ្រូកចំនួន ៣៣.៤៥៦តោនទៅកាន់ប្រទេសចិន៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
