ប្រធានាធិបតីស្រីលង្ការលោក Maithripala Sirisena បានថ្លែងនៅថ្ងៃពុធនេះថា រដ្ឋាភិបាលនឹងចាប់ផ្តើមធ្វើកិច្ចការលើគម្រោងដ៏ចម្រូងចម្រាស់ ដើម្បីឲ្យមានការអនុវត្តទោសប្រហារជីវិតឡើងវិញចំពោះបទល្មើសគ្រឿងញៀន។
លោកបានថ្លែងប្រាប់អ្នកសារព៌តមានថា “ខ្ញុំបានចុះហត្ថលេខរួចរាល់ហើយដើម្បីឲ្យមានការប្រហារជីវិតអ្នកទោស ៤នាក់។
ការប្រហារជីវិតនឹងត្រូវអនុវត្តឆាប់ៗ ហើយពួកយើងក៏បានសម្រេចរួចរាល់ហើយលើការបរិច្ឆេត”។
សូមរម្លឹកថា ការប្រហារជីវិតចុងក្រោយបំផុតនៅក្នុងប្រទេសស្រីលង្ការបានកើតឡើងកាលពី ៤៣ឆ្នាំមុន ហើយពេជ្ឍឃាតចុងក្រោយបំផុតបានឈប់ធ្វើការងាររបស់គាត់នៅក្នុងឆ្នាំ ២០១៤ ដោយមិនដែលបានធ្វើការប្រហារជីវិតនរណាម្នាក់ឡើយ។ ចំណែកពេជ្ឃឃាតដែលត្រូវបានគេជួលកាលពីឆ្នាំមុន ក៏មិនដែលបានឃើញមកធ្វើការដែរ៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia