ខេត្តស្វាយរៀង ៖ មានករណីភ្ញាក់ផ្អើលកើតឡើងទាំងកណ្តាលយប់នៅភូមិកណ្តាលឃុំខ្សែត្រស្រុកកំពង់រោទ៌ខណៈអ្នកភូមិកំពុងដេកលង់លក់ស្រាប់តែឮសម្លេងមនុស្សក្មេងចាស់ស្រែកឆោឡោថាចោរៗ ចោរៗក៏នាំគ្នាក្រោកឡើងផ្អើលឆោឡោក្រោយមកក៏ស្ងប់ស្ងាត់ទៅវិញ។
យោងតាមសត្ថកិច្ចបានអោយដឹងថា៖ករណីនេះបានកើតឡើងកាលពីវេលាម៉ោង២និង១០នាទីទៀបថ្ងៃទី២៥ មិថុនា២០១៩ នៅផ្ទះឈ្មោះ សំ សុខា ភេទស្រីអាយុ៥៣ឆ្នាំ នៅភូមិកណ្តាល ឃុំខ្សែត្រ ស្រុកកំពង់រោទ៌ ខេត្តស្វាយរៀង។
ប្រភពបានបន្តទៀតថា ៖ លុះព្រឹកឡើងមានម្ចាស់ Facebook Acount (ម៉ី ម៉ី) បានបង្ហោះហ្វេសប៊ុកថា មានចោរចូលប្លន់ផ្ទះយាយខ្ញុំ ដោយចោរគាស់ដំបូលផ្ទះស័ង្កសី តែត្រូវក្មួយខ្ញុំឮ ហើយស្រេចថាចោរៗ ពួកវាក៏រត់បាត់អស់ទៅ សូមបងប្អូនប្រុងប្រយត្ន័ស្រុកយើងឥឡូវសំបូរចោរណាស់។ធ្វើឲ្យមហាជនមានការព្រួយបារម្មណ៍អំពីសុវត្ថិភាពសន្តិសុខ ករីចោរលួចចោរប្លន់នេះ។
ទាក់ទិនករណីនេះដែរលោកអធិការដ្ឋាននគរបាលស្រុកកំពង់រោទិ៍ក៏បានធ្វើការបំភ្លីជូនម្ចាស់ Facebook account( ម៉ី ម៉ី )និងសាធារណជនផងដែរ សូមមេត្តាជ្រាបថា ក្រោយពីបានទទួលព័ត៌មាននេះភ្លាម អធិការដ្ឋាននគរបាលស្រុកកំពង់រោទិ៍បានចាត់តាំងកម្លាំងចុះទៅស្រាវជ្រាវដល់ផ្ទះលោក យាយម្ចាស់ផ្ទះ ឈ្មោះ សំ សុខា អាយុ៥៣ឆ្នាំនៅភូមិកើតហេតុខាងលើហើយ លោកយាយបាននិយាយរៀបរាប់ថា នៅយប់មិញនេះ មានក្មូយស្រីក្រមុំរបស់គាត់ ចំនួន០៣នាក់និងក្មូយកំលោះ ១នាក់ មកដេកលើផ្ទះរបស់គាត់ បន្ទប់តែមួយ មុងខុសគ្នា ចំណែក គាត់ ដេកនៅក្រោមផ្ទះជាមួយម្តាយគាត់ ស្រាប់តែយប់ម៉ោង២និង១០នាទីទៀបភ្លឺ គាត់បានឮសំឡេង ក្មូយស្រីៗ ស្រែកថាចោរៗ គាត់ក៏បាននាំគ្នាក្រោកឡើងរកមើលតែមិនឃើញមានអ្វីទេ ក្រោយមកគាត់បានសួរទៅក្មូយៗរបស់គាត់ថាមានអី ក្មូយៗឆ្លើយថា មានឮសម្លេងមនុស្សដើរលើដំបូលរោងឮសម្លេងប្រោកៗ ក៏នាំគ្នាស្រែកថាចោរៗទៅពេលស្រែក ហើយបានឮសម្លេងលោតចុះពីលើដំបូលរោងក្តុក ហើយក៏នាំគ្នារកមើល តែរកមិនឃើញមានអ្វីទេ ក៏នាំគ្នាដេកវិញទៅ ពេលព្រឹកឡើង លោកយាយក៏បានទៅប្រាប់ជំនូយការភូមិ ថាយប់មិញ សភាពការណ៍មិនស្រូលទេ មានចោរលួចចូលផ្ទះ ហើយឡើងដើរលើដំបូលរោងប្រោកៗ ក្មូយៗរបស់ខ្ញុំបានឮ ក៏នាំគ្នាស្រែកថាចោរៗ តែរកមិនឃើញ ។
ប្រភពសមត្ថកិច្ចបន្តទៀតថាបើតាមការពិនិត្យរបស់សមត្ថកិច្ច ដំបូលរោងជាប់នឹងផ្ទះតផ្លាននិងផ្ទោងធ្វើអំពីកូនឈើតូចៗ ប្រក់សង្កសីចាស់ៗប្រសិនបើមានមនុស្សឡើងអាចនឹងបាក់ឬផុង ក៏ប៉ុន្តែនេះមានស្នាមកំពិតសង្កសីបន្តិចចំក្រោមបង្អួច តាមការសន្និដ្ឋានអាចជាសត្វដែលឡើងលើដំបូលរោងនោះ មិនមែនចោរឡើងទេហើយក៏មិនមែនជាករណីចោរប្លន់ដែរអាចក្មួយៗ របស់ម្ចាស់ផ្ទះសន្និដ្ឋានខុសដោយហេតុផលនៃការភ័យខ្លាចខ្លាំងពេក។សូមម្ចាស់Facebook account ( ម៉ី ម៉ី )និងបងប្អូន សាធារណជន មេត្តាជ្រាបសូមអគុណ៕ ដោយ ៖ វ៉ៃកូ
