ខេត្តព្រះសីហនុ ៖ ប្រធានក្រុមហ៊ុនជីធីវីស៊ី, ស្ពីដបូតកម្ពុជា លោកឧកញ៉ា ទៀ វិចិត្រ មានប្រសាសន៍ថា នៅក្នុងប្រតិបត្តិការសង្គ្រោះជនរងគ្រោះ ក្នុងហេតុការណ៍បាក់រលំអាគារនៅក្រុងព្រះសីហនុកាលពីព្រឹកថ្ងៃទី២២ ខែមិថុនា ឆ្នាំ២០១៩ ដើម្បីរួមចំណែកជាមួយរាជរដ្ឋាភិបាលកម្ពុជា និងអាជ្ញាធរខេត្តព្រះសីហនុ លោកបានឧបត្ថម្ភ គ្រែពេទ្យចំនួន៥០គ្រែ និងថវិកាចំនួន ១២.៣៤០ដុល្លា សម្រាប់ការដោះស្រាយទូទៅ។
គួរបញ្ជាក់ថា ហេតុការណ៍បាក់រលំអាគារកំពស់៧ជាន់ មានទីតាំងកាលពីព្រឹកថ្ងៃទី២២ ខែមិថុនា ឆ្នាំ២០១៩ ស្ថិតក្នុងសង្កាត់៤ ក្រុង-ខេត្តព្រះសីហនុ មានសប្បុរសជន និងក្រុមហ៊ុនឯកជនជាច្រើន បានចូលរួមបរិច្ចាគថវិកា, សម្ភារៈ និងកម្លាំងកាយចិត្ត តាមការអំពាវនាវ របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដើម្បីជួយជនរងគ្រោះ ក្នុងនោះជនរងគ្រោះ ដែលរងរបួស និងគ្រួសារជនរងគ្រោះដែលទទួលមរណៈភាព បានទទួលជំនួយទាំងនេះជាបន្តបន្ទាប់៕ ដែន សីមា