ភ្នំពេញ៖ ប្រទេសកម្ពុជា និងចិន បានរៀបចំវេទិកា នៃការផ្លាស់ប្តូរយោបល់របស់យុវជន នៃប្រទេសទាំងពីរ និងពិព័រណ៍គំនូដ៏ស្រស់ស្អាតសាលពិព័រណ៍គំនួរខេត្តយូណាន នៃប្រទេសចិនដើម្បីផ្លាស់ប្តូរបទពិសោធន៍ វប្បធម៌ និងពង្រឹងកិច្ចសហប្រតិបត្តិការរវាងយុវជន នៃប្រទេសទាំងពីរឲ្យកាន់តែល្អប្រសើរឡើងថែមទៀត។ ពិធីនេះរៀបចំឡើង កាលពីរសៀលថ្ងៃពុធ០៩រោច ខែជេស្ន ឆ្នាំកុរឯកស័កព.ស២៥៦៣ត្រូវនិងថ្ងៃទី២៦ មិថុនា ឆ្នាំ២០១៩ ក្រោមអធិបតីភាព លោក សាន វឌ្ឍនា អនុរដ្ឋលេខាធិការក្រសួងអប់រំ យុវជន និងកីឡា នៃប្រទេសកម្ពុជា និងលោក លី យ៉ុង(Li Yong )សមាជិកអចិន្ត្រៃយ៍ នៃសហភាព សហព័ន្ធយុវជនខេត្តយូណាន ប្រទេសចិន។
លោក សាន វឌ្ឍនា អនុរដ្ឋលេខាធិការក្រសួងអប់រំ យុវជន និងកីឡា បានថ្លែងថា៖ តាមរយៈវេទិកានេះ នឹងផ្តល់ឱកាសឲ្យយុវជនបានស្វែងយល់ពីវប្បធម៌ និងចំណេះដឹងទៅវិញទៅមក ឈានដល់កិច្ចសហប្រតិបត្តិការគ្រប់ជ្រុង ជោយដូចដែលប្រមុខថ្នាក់ដឹកនាំ នៃប្រទេសទាំងពីរបានកំពុងប្រកាន់ យកនាពេលបច្ចុប្បន្ន និងទៅថ្ងៃអនាគត។
លោក លី យ៉ុង (Li yong) សមាជិកអចិន្ត្រៃយ៍នៃសហភាពសហព័ន្ធយុវជនខេត្តយូណានប្រទេសចិន បានមានប្រសាសន៍ថា៖ ទំនាក់ទំនងកម្ពុជា-ចិន មានតាំងពីយូរណាស់មកហើយ នឹងត្រូវបានពង្រឹងពង្រីកជាបន្តបន្ទាប់ រហូតមកដល់បច្ចុប្បន្ននេះ។ តាមរយៈទំនាក់ទំនងដ៏ល្អនេះ បានជំរុញឲ្យមានកិច្ចសហប្រតិបត្តិការ នៃប្រទេសទាំងពីរលើគ្រប់វិស័យ ជាពិសេសវិស័យសេដ្ឋកិច្ច ការផ្លាស់ប្តូរវប្បធម៌ នយោបាយការទូត អប់រំ សុខាភិបាលជាដើម។
លោក យិន កាង នាយកមជ្ឈមណ្ឌលវប្បធម៌ចិន ប្រចាំកម្ពុជា បានបញ្ជាក់ថា៖ ការផ្លាស់ប្តូរយោបល់ និងបទពិសោធន៍របស់យុវជនចិនកម្ពុជា និងពិព័រគំនួរដ៏ស្រស់ស្អាតសាលពិព័រណ៍គំនួរខេត្តយូណាន នៃប្រទេសចិននៅពេលនេះ បានបង្ហាញពីការផ្លាស់ប្តូររបស់យុវជន តាមរយៈការសម្តែងសិល្បៈប្រទេសទាំងពីរ និងបានទស្សនារូបភាពស្អាតៗរបស់តំបន់ទេសចរណ៍ខេត្ត យូណាន ហើយវាជាការផ្លាស់ប្តូរ វប្បធម៌ និងទេសចរណ៍ទៅវិញទៅមកដែរផងដែរ។
លោក បណ្ឌិត ជា មុនីរឫទ្ធិ ប្រធានសមាគមន៍អ្នក ស្រាវជ្រាវវឌ្ឍនភាពកម្ពុជា-ចិន បានថ្លែងថា៖ តាមរយៈ វេទិកានេះ ពិតជាមានសារប្រយោជន៍ខ្លាំងសម្រាប់យុវជនកម្ពុជា បញ្ចេញសមត្ថភាពឲ្យយុវជនចិន បានឃើញពីសមត្ថភាព ពិតដែលខ្លួនទទួលបាន និងបទពិសោធន៍ពិតពីការរៀន សូត្រនៅឯប្រទេសចិន មកបង្ហាញប្រាប់យុវជនកម្ពុជា និងយុវជនចិន ឲ្យបានដឹងផង ធ្វើឲ្យសិស្សនិស្សិត កម្ពុជា និងមានចិត្ដ ចង់ទៅរៀននៅប្រទេសចិន មានភាពងាយស្រួល ត្រៀមលក្ខណៈជាមុន។ ចំណែកយុវជនចិនវិញ បានស្វែងយល់ពីវប្បធម៌ និងសង្គមកម្ពុជា យ៉ាងស៊ីជម្រៅវិញផងដែរ ដែលនេះគឺជាមូលដ្ឋានគ្រឹះដ៏រឹងមាំ សម្រាប់កិច្ចសហប្រតិបត្តិការល្អ នៃប្រទេសកម្ពុជា ទាំងក្នុងពេលបច្ចុប្បន្ន និងទៅថ្ងៃអនាគត៕ ដោយ៖កូឡាប
