ព្រះវិហារ ៖ នាព្រឹកថ្ងៃព្រហស្បតិ៍ ទី២៧ ខែមិថុនា ឆ្នាំ២០១៩ នៅសាលាខេត្តព្រះវិហារ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អញ្ជើញជាអធិបតីដ៏ខ្ពង់ខ្ពស់ក្នុងពិធីប្រកាសចូលកាន់មុខតំណែង លោក ប្រាក់ សុវណ្ណ ទៅជាអភិបាលខេត្តព្រះវិហារ ជំនួស លោកអ៊ុន ចាន់ដា ដែលត្រូវផ្ទេរភារកិច្ចទៅជាអភិបាលខេត្តកំពង់ចាម។
សូមរំលឹកផងដែរថា កាលពីថ្ងៃទី២៤ ខែមិថុនា ឆ្នាំ២០១៩ លោកប្រាក់ សុវណ្ណ ត្រូវបានព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ចេញព្រះរាជក្រឹត្យតែងតាំងទៅជាអភិបាលខេត្តព្រះវិហារ៕ ដោយ៖កូឡាប