រតនគីរី៖ សមត្ថកិច្ចឃាត់ខ្លួនជនល្មើសជនជាតិឡាវ២នាក់ ករណីបទល្មើសនេសាទឆក់ត្រីខុសច្បាប់ ។ សមត្ថកិច្ចថា ការចុះបង្ក្រាបបទល្មើសនេសាទឆក់ត្រីខុសច្បាប់នេះមានការសហការជាមួយកម្លាំងសហគមន៍នេសាទ កម្លាំងប៉ុស្តិ៍ និងកម្លាំងជំនាញអធិការនគរបាលស្រុកកូនមុំ។នៅវេលាម៉ោង៥និង ១០នាទីល្ងាច ថ្ងៃទី២៦ ខែមិថុនា ឆ្នាំ២០១៩ ស្ថិតនៅចំណុចបង្គោលព្រំប្រទល់អភិរអន្លង់កោះសំពៅទន្លេសង្គមភូមិស្រែពកតូច ឃុំសេរីមង្គល ស្រុកកូនមុំ។
សមត្ថកិច្ចបានឱ្យដឹងថា ជនល្មើសដែលប្រព្រឹត្តបទល្មើសឆក់ត្រីខុសច្បាប់ទាំងពីរនាក់នេះឈ្មោះ ផេង ឡន ភេទប្រុសអាយុ២២ឆ្នាំជនជាតិឡាវ មានទីលំនៅភូមិស្រែពកតូច ឃុំសេរីមង្គល ស្រុកកូនមុំ និងឈ្មោះ កែវ ធិ ភេទប្រុសអាយុ១៩ឆ្នាំ ជនជាតិឡាវ មានទីលំនៅភូមិស្រែពកតូច ឃុំស្រែពក ស្រុកកូនមុំ ខេត្តរតនគីរី។ ចំណែក វត្ថតាងដកហូតបានរួមមាន ទូកចំនួន១គ្រឿង ម៉ាសុីន០២គ្រឿង អាំងវ័រទ័រឆក់ចំនួន០២ អាគុយ៧០អំពែចំនួន០១ អាគុយ៥០អំពែចំនួន២គ្រឿង និងអាំងវ័រទ័រឆក់ចំនួន០១ទៀត បានលិចបាត់ក្នុងទន្លេរកមិនឃើញ។
បច្ចុប្បន្ន វត្ថុតាងនិងជនល្មើសទាំងពីរនាក់ត្រូវបានកម្លាំងអធិការនគរបាលស្រុកកូនមុំ ឃាត់ខ្លួនមកផាកពិន័យ៕ ដោយ៖បញ្ញាស័ក្តិ