មន្ត្រីការទូតកូរ៉េខាងជើងបាននិយាយនៅថ្ងៃព្រហស្បតិ៍នេះថា សហរដ្ឋអាមេរិចគួរចាត់វិធានការ ដើម្បីបង្ហាញពីយុទ្ធសាស្ត្រថ្មីដើម្បីធ្វើឲ្យកិច្ចចរចារនុយក្លេអ៊ែររស់ឡើងវិញ ព្រោះពេលវេលាដែលកំណត់ដោយទីក្រុងព្យុងយ៉ាងជិតអស់ហើយ។
មេដឹកនាំកូរ៉េខាងជើង គីម ជុងអ៊ុន បាននិយាយក្រោយពេលកិច្ចប្រជុំកំពូលលើកទី ២ជាមួយនឹងដូណាល់ ត្រាំថា កិច្ចប្រជុំកំពូលលើកទី ៣អាចនឹងកើតមាន ប្រសិនជាទីក្រុងវ៉ាស៊ីនតោន អនុវត្តវិធានការផ្សេងទៀត។ គីម ជុងអ៊ុងថ្លែងបញ្ជាក់ថា គាត់នឹងរងចាំរហូតដល់ចុងឆ្នាំ។
សូមបញ្ជាក់ថា មេដឹកនាំកូរ៉េខាងជើង និងអាមេរិចធ្លាប់បានជួបចរចារគ្នាពីបញ្ហារំសាយនុយក្លេអ៊ែរ ចំនួន ២ដងរួចមកហើយ ប៉ុន្តែកិច្ចប្រជុំកំពូលនោះបរាជ័យទាំងពីរ។
កាលពីពេលថ្មីៗនេះ រដ្ឋមន្ត្រីការបរទេសអាមេរិច លោក Mike Pompeo បានថ្លែងថា ការផ្ញើសំបុត្រឲ្យគ្នាទៅវិញទៅមករវាងលោក ត្រាំ និង គីម ជុងអ៊ុន ជាក្តីសង្ឃឹមនៃការចាប់ផ្តើមការចរចារជាថ្មី៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia