ភ្នំពេញ ៖ ក្នុងថ្ងៃប្រារព្ធខួបមីទ្ទីងរំលឹកខួបលើកទី ៦៨ ថ្ងៃបង្កើតគណបក្សប្រជាជនកម្ពុជា ដែលបងប្អូនជនរួមជាតិ នៅគ្រប់ទិសទី តែងតែគាំទ្រនិងជឿជាក់ លើការដឹកនាំរបស់គណបក្សប្រជាជនកម្ពុជា ធ្វើឲ្យគណបក្សបានសម្រេច ជោគជ័យដ៏ត្រចេះត្រចង់ ក្នុងការបំពេញបេសកកម្មបម្រើជាតិរយៈពេល ៤០ ឆ្នាំមកនេះ។ ជាមួយនឹងអង្គមីទ្ទីងនេះ សម្ដេចហ៊ុនសែន ប្រធានគណបក្សប្រជាជនកម្ពុជា និងជានាយករដ្ឋមន្ត្រីកម្ពុជា បានថ្លែងថា ៖ ក្នុងរយៈពេល ៤ ខែដើមឆ្នាំ គម្រោងវិនិយោគ ១១៥ គម្រោងដែលមានទុនវិនិយោគប្រមាណ ៤ ពាន់លានដុល្លារ ត្រូវបានអនុម័ត បើធៀបនឹងរយៈពេលដូចគ្នាឆ្នាំ 2018 មាន 81 គម្រោង និងទុនវិនិយោគប្រមាណ៨៦៣លានដុល្លារអាមេរិក។
សម្ដេចតេជោនាយករដ្ឋមន្ត្រីបានមានប្រសាសន៍ថា ប្រជាជនយើងមានមោទនភាពក្រៃលែងចំពោះជោគជ័យនៃដំណើរការប្រជាធិបតេយ្យភាវូបនីយកម្មរបស់ខ្លួន
សម្ដេចនាយករដ្ឋមន្ត្រីបានបន្ថែមទៀតថាចំពោះដំណើរការអភិវឌ្ឍសេដ្ឋកិច្ចសង្គមក្នុងរយៈពេល ២ ទសវត្សរ៍ចុងក្រោយនេះកម្ពុជាស្ថិតនៅក្នុងចំណោមប្រទេសដែលមានកំណើនសេដ្ឋកិច្ចខ្ពស់និងលឿនបំផុតដោយសម្រេចបានកំណើនជាមធ្យមក្នុងអត្រាជាង ៧% ក្នុងមួយឆ្នាំ តាមរយៈការរីកចម្រើននៃវិស័យឧស្សាហកម្មកម្មន្ដសាល សំណង់កសិកម្មសេវាកម្មទេសចរណ៍ អចលនទ្រព្យគមនាគមន៍និងដឹកជញ្ជូន។ ជាងនេះទៅទៀតកម្ពុជាបានចាកចេញពីឋានៈជាប្រទេសមនចំណូលទាប មកជាប្រទេសមានចំណូលមធ្យមកម្រិតទាបនៅឆ្នាំ ២០១៥។ ចុងឆ្នាំ ២០១៨ សេដ្ឋកិច្ចកម្ពុជាមានកំណើនលើសពីការរំពឹងទុក ដោយសម្រេចបានកំណើន ៧,៥ ភាគរយ បើនិងការគ្រប់គ្រងទុក ៧,១ភាគរយពីដើមឆ្នាំដោយសារតើស្ថិរភាពនយោបាយស្ថិរភាពម៉ាក្រូសេដ្ឋកិច្ចកំណើនវិនិយោគឯកជនកំណើនតម្រូវការការប្រើប្រាស់កំណើននៃការនាំចេញនិងកំណើនភ្ញៀវទេសចរ។ល។
សម្ដេចតេជោហ៊ុនសែនបានលើកឡើងថា ឆ្នាំ 2019សេដ្ឋកិច្ចកម្ពុជាត្រូវបានកំពុងថា នឹងមានកំណើនក្នុងអត្រា 7,1% ដែលគាំទ្រដោយកំណើននៃវិស័យឧស្សាហកម្ម និងកំណើន នៃវិស័យសេវាកម្ម ទោះបីវិស័យកសិកម្មនៅបន្តមានកំណើនទាបក្តី។
គួរកត់សម្គាល់ថា ក្នុងឆមាសទី ១ ឆ្នាំ 2019 រាល់សកម្មភាពសេដ្ឋកិច្ចកំពុងបន្តមានដំណើរការយ៉ាងល្អ។ ជាក់ស្ដែងក្នុងរយៈពេល ៤ ខែដើមឆ្នាំ គម្រោងវិនិយោគ ១១៥ គម្រោងដែលមានទុនវិនិយោគប្រមាណ 4 ពាន់លានដុល្លារត្រូវបានអនុម័ត បើធៀបនឹងរយៈពេលដូចគ្នាឆ្នាំ ២០១៨ មាន ៨១ គម្រោង និងទុនវិនិយោគប្រមាណ៨៦៣លានដុល្លារអាមេរិក ការនាំចេញផលិតផលកាត់ដេរនៅតែមានកំណើនខ្ពស់ ការនាំចេញអង្ករសម្រេចបានជាង ២១ ម៉ឺនតោន tips នឹងរយៈពេលដូចគ្នាឆ្នាំ 2018 កើនឡើង ៨,៣ភាគរយ វិស័យសំណង់និងអចលនទ្រព្យក៏នៅតែបន្តកំណើនខ្ពស់ ជាមួយគ្នានេះកម្ពុជាទទួលបានភ្ញៀវទេសចរបរទេសប្រមាណជាង២,៤លាងនាក់កើនឡើង 11 ភាគរយធៀបនឹងរយៈពេលដូចគ្នាឆ្នាំ 2018។
សម្ដេចនាយករដ្ឋមន្ត្រីបានលើកឡើងថា កាលពីពេលថ្មីៗនេះរាជរដ្ឋាភិបាលកម្ពុជាបានដាក់ចេញបណ្ដាវិធានការកែទម្រង់ដ៏មុតស្រួចស្របតាមបាវចនា “កែទម្រង់ខាងក្នុងបង្កើនមិត្តខាងក្រៅក្នុងស្មារតីឯករាជ្យ” និងអភិក្រម”ឆ្លុះកញ្ចក់ងូតទឹកដុសក្អែលព្យាបាលនិងវះកាត់”។ វិធានការទាំងនេះមានជាអាទិ៍ ការលើកកម្ពស់កិច្ចសម្រួលពាណិជ្ជកម្ម ការបន្ថយថ្លៃអគ្គិសនី ផ្កាបន្តកសាងហេដ្ឋារចនាសម្ព័ន្ធរូបវ័ន្ត ការពង្រឹងក្របខ័ណ្ឌច្បាប់ស្ដីពីការវិនិយោគ ការបន្តការកែទម្រង់ស្ថាប័នដើម្បីឲ្យកម្ពុជាធានាបាននូវឯករាជ្យភាព ផ្នែកសេដ្ឋកិច្ចក្នុងឋានៈជាប្រទេសមានអធិបតេយ្យពេញលេញ ធ្វើឲ្យកាន់តែប្រសើរឡើងនូវបរិស្ថានវិនិយោគ ពង្រឹងភាពប្រកួតប្រជែងនិងជំរុញការធ្វើពិពិធកម្មសេដ្ឋកិច្ចជាតិកាន់តែខ្លាំងក្លា ជាពិសេសសំដៅនាំកម្ពុជាឈានទៅសម្រេចចក្ខុវិស័យនៃការអភិវឌ្ឍវែងឆ្ងាយ គឺប្រែខ្លួនពីប្រទេសមានចំណូលមធ្យមកម្រិតទាប ទៅជាប្រទេសមានចំណូលមធ្យមកម្រិតខ្ពស់នៅឆ្នាំ 2030 និងជាប្រទេសមានចំណូលខ្ពស់នៅឆ្នាំ 2050។ លើមូលដ្ឋានសម្មតិកម្មនៃវិស័យសេដ្ឋកិច្ច បានធ្វើឲ្យកម្រិតជីវភាពរបស់ប្រជាជន ត្រូវបានលើកកម្ពស់ជាលំដាប់ ចំណូលមធ្យមសម្រាប់ប្រជាពលរដ្ឋម្នាក់ៗមានកំណើនជាង 5 ដង បើប្រៀបធៀបពីឆ្នាំ 2000 ដល់ឆ្នាំ 2018 ឯអត្រានៃភាពក្រីក្របានថយចុះពី៥៣,២% នៅឆ្នាំ 2004 មកក្នុងរង្វង់ 10 ភាគរយនាបច្ចុប្បន្ន។
គណបក្សប្រជាជនកម្ពុជាប្រកាន់ជំហរដ៏ម៉ឹងម៉ាត់ក្នុងការថែរក្សានូវសន្តិភាព ស្ថិរភាពនយោបាយនិងសន្តិសុខជាតិ ដែលយើងប្រឹងប្រែងរកបានដោយលំបាកបំផុតនេះ មិនឲ្យក្រុមប្រឆាំងជ្រុលនិយមដែលក្បត់និងផលប្រយោជន៍ជាតិ និងប្រជាជនឬមជ្ឈដ្ឋានអគតិនៅខាងក្រៅណាមកបំផ្លាញទៅវិញបានឡើយ ទោះបីជាត្រូវបង់ក្នុងតម្លៃណាក្តី។
គណបក្សប្រជាជនកម្ពុជាប្រាជ្ញាការពារយ៉ាងរឹងមាំនូវឯករាជភាពអធិបតេយ្យនិងបូរណភាពទឹកដីហើយប្រឆាំងការជាជ្រែករបស់បរទេសចូលកិច្ចការផ្ទៃក្នុងរបស់កម្ពុជាដែលជាមូលហេតុចម្បងនាំមកនូវគ្រោះមហន្តរាយសម្រាប់ប្រទេសយើង។ ខ្ញុំក៏សូមយកឱកាសនេះដើម្បីសន្លឹកជាថ្មីថា កម្ពុជាមិននៅក្រោមការត្រួតត្រារបស់ប្រទេសណាមួយទេ យើងមិនផ្ដល់ឱកាសសម្រាប់ឲ្យបរទេសមកជ្រៀតជ្រែកកិច្ចការផ្ទៃក្នុងរបស់យើងឡើយ។ យើងមិនត្រូវអោនក្បាលចំពោះមុខការភាពសង្កត់ឬការគំរាមកំហែងណាមួយឡើយ យើងធ្លាប់ទទួលរងរួចមកហើយនូវការដាក់ទណ្ឌកម្មដ៏អយុត្តិធម៌បំផុតពីសំណាក់ប្រទេសក្រៅ។ ការមិនឲ្យក្បាលរបស់យើងវាជាកិត្តិយសជាតិរបស់យើង។
គណបក្សប្រជាជនកម្ពុជាដែលបានដណ្ដើមយកមកជូនប្រជាជនវិញនូវសិទ្ធិសេរីភាពគ្រប់យ៉ាង នឹងសេចក្តីថ្លៃថ្នូររបស់មនុស្សនិងបន្តដើរទៅមុខឥតងាករេលើមាគ៌ាប្រជាធិបតេយ្យសេរីពហុបក្ស ការគោរពសិទ្ធិមនុស្សនិងនីតិរដ្ឋ ដែលស្របទៅនឹងស្ថានភាពជាក់ស្ដែងរបស់កម្ពុជា ហើយដែលនោះគឺជាសិទ្ធិពេញលេញនិងមិនអាចរំលោភបំពានបានរបស់ប្រជាជនកម្ពុជា ក្នុងការជ្រើសរើសផ្លូវអភិវឌ្ឍន៍របស់ខ្លួន។ ខ្ញុំសូមគូសបញ្ជាក់ថា ប្រជាធិបតេយ្យនិងសិទ្ធិសេរីភាពពិតប្រាកដ គឺស្ថិតនៅក្នុងដំណើររស់ឡើងវិញរបស់ប្រជាជាតិ ជោគជ័យនៃដំណើរការសន្តិភាពនិងការអភិវឌ្ឍសង្គមជាតិ ព្រមទាំងការប្រតិបត្តិនូវរដ្ឋធម្មនុញ្ញនិងច្បាប់របស់កម្ពុជា ពុំមែនផឹកលើពាក្យសម្ដីវាយប្រហារដោយអគតិរបស់បុគ្គលឬមជ្ឈដ្ឋានណាមួយនោះឡើយ។ ប្រជាជនកម្ពុជាបានទទួលបានថែរក្សាពូនជ្រំលទ្ធិប្រជាធិបតេយ្យ និងសេរីភាពរបស់ខ្លួនរយៈពេល 40 ឆ្នាំមកហើយ ដូច្នេះយើងដឹងហើយថាយើងត្រូវធ្វើដូចម្ដេចដើម្បីការពារនិងពង្រឹងប្រជាធិបតេយ្យតទៅមុខទៀត។
គណបក្សប្រជាជនកម្ពុជាក៏សូមថ្លែងអំណរគុណយ៉ាងជ្រាលជ្រៅចំពោះបណ្ដាប្រទេសជាមិត្ត ដៃគូអភិវឌ្ឍន៍និងសហគមន៍អន្តរជាតិដែលបានជួយឧបត្ថម្ភគាំទ្រដល់ការរស់ឡើងវិញ និងការរីកចម្រើនរបស់កម្ពុជាក្នុងរយៈពេលជាង 40 ឆ្នាំមកនេះ ហើយកំពុងបន្តពង្រីកនូវកិច្ចសហប្រតិបត្តិការប្រកបដោយផ្លែផ្កាជាមួយកម្ពុជា ដើម្បីជួយជំរុញការអភិវឌ្ឍកម្ពុជាផងនិងដើម្បីបុព្វហេតុសន្តិភាពសន្តិសុខវឌ្ឍនភាពនិងវិបុលភាពជាអសកលផង។ ព្រមជាមួយនេះយើងសង្ឃឹមថាប្រទេសមួយចំនួនដែលនៅតែមានទស្សនៈខុសឆ្គងចំពោះដំណើរប្រព្រឹត្តទៅដល់ល្អ និងត្រឹមត្រូវនៃប្រជាធិបតេយ្យនិងនីតិរដ្ឋនៅកម្ពុជា ហើយបានប្រើប្រាស់ហេតុផលនយោបាយមកដាក់ជាលក្ខខណ្ឌផ្សេងៗ ឲ្យយើងធ្វើតាមដែលមិនស្របទៅនឹងស្ថានភាពពិតនៅកម្ពុជា ក៏ដូចបំណងប្រាថ្នារបស់ប្រជាជននោះ នឹងទទួលយកការពិតគោរពដល់អធិបតេយ្យនិងសិទ្ធិស្វ័យសម្រេចរបស់កម្ពុជា ហើយរួមវិភាគទានពិតប្រាកដទៅក្នុងដំណើរការពង្រឹងសន្តិភាពលទ្ធិប្រជាធិបតេយ្យនិងការអភិវឌ្ឍនៅកម្ពុជា៕ ដោយ៖កូឡាប