កំពង់ស្ពឺ ៖ កំលាំងនគរបាលស្រុកសំរោងទងបេីកប្រតិបត្តិការបង្ក្រាបមុខសញ្ញារក្សាទុកប្រេីប្រាស់គ្រឿងញៀនខុសច្បាប់ ៦នាក់ នៅបឹងស្រែឈូកខាងជេីងភូមិពង្រធំ ឃុំកាហែង កាលពីថៃ្ងទី២៨ ខែមិថុនា ឆ្នាំ២០១៩ វេលាម៉ោង១៤និង៣២នាទី ។
កំលាំងនគរបាលស្រុកសំរោងទង ដឹកនាំដោយវរសេនីយ៍ឯក ឃុត សុផល អធិការនគរបាលស្រុក ធើ្វការស្រាវជ្រាវនិងបង្ក្រាបទីតាំងចែកចាយជួញដូរនិងប្រើប្រាស់គ្រឿងញៀនមួយ កន្លែង នៅបឹងស្រែឈូកខាងជើង ផ្លូវជាតិលេខ ៤ ស្ថិតភូមិពង្រធំ ឃុំកាហែង ស្រុកសំរោងទង ឃាត់មុខសញ្ញាបានចំនួន ៦នាក់ (ប្រុស) ១.ឈ្មោះ គុយ សុខគា ប្រុស ២៤ឆ្នាំ ភូមិពង្រធំ ឃុំកាហែង ជាអ្នកចែកចាយនិងផ្ដល់កន្លែងប្រើប្រាស់ ២.ឈ្មោះ សូ ចាន់ធឿន ប្រុស ១៨ឆ្នាំ នៅភូមិត្រពាំងជ្រៅ ឃុំកាហែង ៣.ឈ្មោះ តន សុម៉ៅ ប្រុស ៣០ឆ្នាំ ភូមិពង្រធំ ឃុំកាហែង ៤.ឈ្មោះ តន សារ៉ាត់ ប្រុស ២៥ឆ្នាំ ភូមិពង្រធំ ឃុំកាហែង ៥.ឈ្មោះ ហួត រតនៈ ប្រុស ១៨ឆ្នាំ ភូមិឡ ឃុំកាហែង ៦.ឈ្មោះ ឆាន ចំណាន ប្រុស ១៨ឆ្នាំ នៅភូមិកណ្ដោលដុំ សង្កាត់កណ្ដោលដុំ ក្រុងច្បារមន។
តាមការបញ្ជាក់អោយដឹងបន្ថែមពីលោកអធិការថាទីតាំងនេះគឺមានការផ្ដល់អោយប្រេីប្រាស់និងចែកចាយបន្តគ្នាពីមួយទៅមួយ ប៉ុន្ដែក្រុមនេះគឺគេចល័តលឿននិងមានការឃ្លាំមេីលធ្វេីលក្ខណៈដូចជាមកចាំចំការឈូក ជាក់ស្តែងកំលាំងនគរបាលបានធ្វេីប្រតិបត្ដិការរហ័សទេីបចាំបានក្រុមនេះវត្ថុតាងដកហូតបានរួមមាន គ្រឿងញៀនចំនួន ៤ កញ្ចប់ មធ្យមជញ្ជីងថ្លឹងគ្រឿងញៀន (អេឡិចត្រូនិក1គ្រឿង) ប្រាក់រៀលចំនួន 24 ម៉ឺនរៀល ទូរស័ព្ទដៃ ចំនួន ៤ គ្រឿង ម៉ូតូ ចំនួន ១គ្រឿង (ចាស់) ថង់ប្លាស្ទិច សំរាប់ច្រកគ្រឿងញៀន និងឧបករណ៍កែច្នៃសំរាប់ប្រើប្រាស់គ្រឿងញៀនមួយចំនួន។
បច្ចុប្បន្នសមត្ថកិច្ចនគរបាលបានបញ្ជូនជនសង្ស័យមកកាន់អធិការដ្ឋាននគរបាលស្រុក ដេីម្បីសាកសួរ និងកសាងសំណុំរឿងបញ្ជូនទៅការិយាល័យជំនាញខេត្ដ ចាត់ការតាមនិតិវិធីច្បាប់៕ ដោយ៖កូឡាប