ខេត្តព្រះសីហនុ ៖ ព្រឹកថ្ងៃទី២៩ ខែមិថុនា ឆ្នាំ២០១៩ សម្តេចក្រឡាហោមស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ តំណាងដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតី ក្នុងពិធីប្រកាសចូលកាន់មុខតំណែង អភិបាល នៃគណៈអភិបាលខេត្តព្រះសីហនុ។
តាមព្រះរាជក្រឹត្យលេខ សន រកត ០៦១៩/៩១៤ ចុះថ្ងៃទី២៤ ខែមិថុនា ឆ្នាំ២០១៩ ត្រូវបានផ្ទេរភារៈកិច្ច លោក គួច ចំរើន អតីតអភិបាលខេត្តកំពង់ចាម មកកាន់មុខតំណែងជាអភិបាល នៃគណៈអភិបាលខេត្តព្រះសីហនុជំនួស លោក យន្ត មីន ដែលត្រូវផ្ទរទៅទទួលភារៈកិច្ចថ្មី នៅក្រសួងការពារជាតិ៕ ដែន សីមា