ប្រធានាធិបតីអាមេរិច ដូណាល់ ត្រាំ បានថ្លែងនៅថ្ងៃសៅរ៍នេះថា ទីក្រុងវ៉ាស៊ីនតោនបើកចំហរទៅកាន់ កិច្ចព្រមព្រៀងជាប្រវត្តិសាស្ត្រជាមួយនឹងចិន។ ការថ្លែងបែបនេះធ្វើឡើង ខណៈពេលដែលគាត់បានជួបជាមួយនឹងមេដឹកនាំចិន ស៊ី ជីនពីង ដែលបានស្នើឲ្យមានកិច្ចសហប្រតិបត្តិការ និងកិច្ចចរចា។
លោកត្រាំ ថ្លែងនៅពេលចាប់ផ្តើមកិច្ចប្រជុំថា “វានឹងក្លាយជាប្រវត្តិសាស្ត្រ ប្រសិនជាពួកយើងអាចបង្កើតកិច្ចព្រមព្រៀមពាណិជ្ជកម្មដោយស្មើភាព”។
ក្នុងកិច្ចប្រជុំនោះ លោក ស៊ី ជីនពីងបាននិយាយថា “កិច្ចសហប្រតិបត្តិការ និងការចរចាគឺប្រសើរជាងការប្រឈមមុខដាក់គ្នា”។
ចំពោះការលើកឡើងរបស់មេដឹកនាំចិនខាងលើ លោក ត្រាំ បានតបវិញថា ពួកយើងបើកចំហទាំងស្រុង៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia
