សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានលេីកឡើងអំពីបញ្ហាប្រឈមដែលខេត្តព្រះសីហនុកំពុងជួបប្រទះ នៅតំបន់ប៉ូលសេដ្ឋកិច្ចដ៏សំខាន់មួយនេះ ហើយទាមទារឲ្យដោះស្រាយជាបន្ទាន់នៅចំពោះមុខ ឯកឧត្តម គួច ចំរើន អភិបាលខេត្តព្រះសីហនុថ្មី និងថ្នាក់ដឹកនាំ មន្ត្រីរដ្ឋបាលខេត្តព្រះសីហនុជាច្រេីន។
សម្ដេចក្រឡាហោម ស ខេង បានលេីកឡើងបែបនេះ ក្នុងពិធីប្រកាសចូលកាន់តំណែងឯកឧត្តម គួច ចំរើន ជាអភិបាលខេត្តព្រះសីហនុ នៅព្រឹកថ្ងៃទី២៩ ខែមិថុនា ឆ្នាំ២០១៩នេះ នាសាលាខេត្តព្រះសីហនុ។
សម្តេចក្រឡាហោម ស ខេង បានបញ្ជាក់អំពីបញ្ហាប្រឈមទាំងនោះ ដែលរួមមាន ៖
១-ទំនាស់ដីធ្លី ការគ្រប់គ្រងដីធ្លី
២-គុណភាពសំណង់
៣-សន្ដិសុខនៅកោះរ៉ុង និងបណ្ដាកោះដែលចំណុះក្រុងព្រះសីហនុ
៤-ហេដ្ឋារចនាសម្ព័ន្ធផ្លូវគមនាគមន៍
៥-រួមគ្នាដោះស្រាយបញ្ហាលូ ទឹកកខ្វក់ ទឹកភ្លៀង៕ ដោយ៖កូឡាប