(ខេត្តកំពង់ស្ពឺ)៖ ជនសង្ស័យម្នាក់រពឹសដៃជាប់ខ្នោះ ដោយត្រូវបានឃាត់ខ្លួន មកអធិការដ្ឋាននគរបាលស្រុកឧដុង ក្រោយពេលយកដបជ័រមានសាំង គប់លើដំបូលផ្ទះប្រជាពលរដ្ឋ ដែលប្រក់ស្លឹកត្នោតបំណងដុតឆេះបានបន្តិច ក៏ត្រូវបានប្រជាពលរដ្ឋជិតខាងមកជួយពន្លត់ទាត់ពេលវេលា។ ករណីនេះបង្កឲ្យមានការភ្ញាក់ផ្អើលដល់ប្រជាពលរដ្ឋនៅវេលាម៉ោង៩ព្រឹកថ្ងៃទី ២៩ ខែ មិថុនា ឆ្នាំ ២០១៩ ស្ថិតនៅភូមិប្រកិល ឃុំព្រះស្រែ ស្រុកឧដុង្គ ខេត្តកំពង់ស្ពឺ។
បន្ទាប់ពីកើតហេតុភ្លាមៗ ឈ្មោះ យ៉ង់ សាវដា ភេទស្រី អាយុ ៣៤ ឆ្នាំ រស់នៅភូមិប្រកិល ឃុំព្រះស្រែ ស្រុកឧដុង្គ ខេត្តកំពង់ស្ពឺដែលជាម្ចាស់ផ្ទះ បានទៅដាក់ពាក្យប្តឹង ចោទប្រកាន់ទៅលើឈ្មោះ ហុង ផានិត ភេទប្រុស អាយុ 26 ឆ្នាំ រស់នៅភូមិឃុំជាមួយគ្នា ដោយនៅថ្ងៃទី២៩ ខែមិថុនា ឆ្នាំ2019 បានយកដបជ័រ មានសាំង គប់ទៅលើដំបូលសំយាបផ្ទះប្រក់ស្លឹកត្នោត របស់ជនរងគ្រោះបណ្តាលឲ្យឆេះ ទើបអ្នកជិតខាងឃើញ ក៏រត់ទៅជួយពន្លត់ទាន់ពេលវេលា ទើបមិនបង្កឲ្យមានការឆាបឆេះ។
បន្ទាប់ពីទទួលបានពាក្យប្តឹង សមត្ថកិច្ចបានស្រាវជ្រាវចាប់ខ្លួនជនបង្ក។ ជនសង្ស័យត្រូវបានឃាត់ខ្លួន មកអធិការដ្ឋាននគរបាលស្រុកឧដុង្គ ខេត្តកំពង់ស្ពឺ ដើម្បីកសាងសំណុំរឿងចាត់ការតាមផ្លូវច្បាប់៕ ដោយ៖កូឡាប
