ពិធីបុណ្យនេះ ជាផ្នែកមួយនៃ Cure Salee មហាសន្និបាតប្រជាពនេចរចិញ្ចឹមសត្វ កន្លែងដែលជនជាតិ Wodaabe និង Tuareg ប្រមូលផ្តុំគ្នាដើម្បីអបអរការបញ្ចប់រដូវភ្លៀងនៅប្រទេស Niger អាហ្វ្រិកខាងលិច ។
Mario Gerth អាយុ៤០ឆ្នាំ ជាបុគ្គលិកធនាគារម្នាក់បានផ្តិតយករូបភាពរស់រវើកអំពី Gerewol ខណៈពេលលោកឆ្លងកាត់ Agazed ភាគខាងជើង Niger នាខែកញ្ញាកន្លងមក។
“ទីតាំងប្រព្រឹត្តទៅនៃពិធីបុណ្យនេះ ច្រើនត្រូវរក្សាជាការសម្ងាត់ ហើយប្រកាសឲ្យដឹងប៉ុន្មានថ្ងៃមុនពេលប្រារព្ធឡើងបុណ្ណោះ” ។
“តាមផ្លូវធ្វើដំណើរ យើងខ្ញុំបានសាកសួរពលរដ្ឋនៅតំបន់នោះពីផ្លូវធ្វើដំណើរ ។ ប៉ុន្តែពេលពួកយើងទៅដល់ហើយ គឺគេឲ្យចូលរួមយ៉ាងងាយដើម្បីថតរូប” ។
ក្នុងពិធីបុណ្យនេះពួកយុវជន ក្នុងកុលសម្ព័ន្ធ នឹងធ្វើគ្រប់វិធីដើម្បីទាក់ទាញក្រុមមេប្រយោគមួយសុទ្ធសឹងជានារីៗ ។ ក្រៅពីការចូលរួមឈុតរាំមួយហៅថា Yaake នោះពួកគេជិះអូដ្ឋ ហើយបង្អួតបណ្តាការ ។
អ្នកទទួលបានជោគជ័យ នឹងមានសិទ្ធិជ្រើសរើសយកនារីដែលខ្លួនចូលចិត្ត រួមទាំងនារីដែលមានប្តីហើយក៏ដោយ ។
Gerth ឲ្យដឹងថា “បុរសៗនឹងត្រូវបានវាយតម្លៃដោយស្រី ៣នាក់ ស្អាតបំផុតនៃកុលសម្ព័ន្ធ ភាគច្រើនជាអ្នកកូនស្រីរបស់អ្នកធ្លាប់ទទួលជោគជ័យ គ្រាមុនៗនោះ ។ ប្រសិនបើគេពេញចិត្តជាមួយបេក្ខជនណាមួយនោះ គេអាចជ្រើសរើសវិធី “ត្រូវប្លន់” ហើយបោះបង់ស្វាមីមុនចោល ៕
