មនុស្សយ៉ាងហោចណាស់ចំនួន ៥០នាក់ត្រូវភ្លើងឆាបឆេះស្លាប់ និងមនុស្សជាង ១០០នាក់ទៀត រងរបួស ក្នុងហេតុការណ៍ផ្ទុះរថយន្តដឹកប្រេងមួយគ្រឿង នៅក្នុងប្រទេសនីហ្សេរីយ៉ា។
ហេតុការណ៍ឆេះមនុស្សស្លាប់ច្រើន ដ៏រន្ធត់នេះ កើតឡើងនៅថ្ងៃចន្ទ ក្នុងរដ្ឋ Benue នៅពេលដែលរថយន្តដឹកប្រេងមួយគ្រឿង បានក្រឡាប់ ហើយមនុស្សជាច្រើន បានរត់ទៅត្រងប្រេង ប៉ុន្តែស្រាប់តែមានការផ្ទុះកើតឡើង។
ចំនួនអ្នកស្លាប់អាចកើនឡើង ដោយសារតែមានមនុស្ស រងរបួសធ្ងន់ធ្ងរជាច្រើន និងកំពុងស្ថិតក្នងស្ថានភាពដុនដាប។ នេះបើតាមការបញ្ជាក់របស់អ្នកនាំពាក្យរដ្ឋ Benue ឈ្មោះ Terver Akase។
ហាងជាច្រើនដែលស្ថិតនៅក្បែរកន្លែងកើតហេតុ ក៏ត្រូវភ្លើងឆាបឆេះផងដែរ ដោយសារតែប្រេងកំពប់ និងបានហៀរទៅលើហាងទាំងនោះ។
សូមបញ្ជាក់ថា រថយន្តដឹកប្រេងក្រឡាប់ តែងកើតមានញឹកញាប់ នៅក្នុងប្រទេសនីហ្សេរីយ៉ា ដែលប្រទេសផលិតប្រេងនេះ ជារឿយៗ ប្រេងប្រាស់ធម្យោបាយដឹកប្រេងតាមផ្លូវគោក។ប្រភព៖ CNN៕ អត្ថបទប្រែសម្រួលដោយ៖ សុភ័ក្រ
