ភ្នំពេញ ៖ ក្រសួងមហាផ្ទៃ បានចេញណែនាំ ស្តីពី ការចេញលិខិតរដ្ឋបាល និងលិខិតអត្រានុកូលដ្ឋានឲ្យសហព័ន្ធជាខ្មែរ កូន និងជនបរទេសអន្តោប្រវេសន៍។ ដោយក្រសួងមហាផ្ទៃ ពិនិត្យឃើញថា អាជ្ញាធរមូលដ្ឋានមួយចំនួននៅមានភាព ស្រពិចស្រពិល អំពីគោលការណ៍ច្បាប់ដែលនាំឲ្យមានភាពស្ទាក់ស្ទើរក្នុងការចេញលិខិតរដ្ឋបាល ឬលិខិតអត្រានុកូលដ្ឋានដល់សហព័ន្ធជាខ្មែរ កូន និងជនបរទេសអន្តោប្រវេសន៍ ដែលត្រូវបានគណៈកម្មការជំរឿន និងគ្រប់គ្រងជនបរទេសរាជធានី ខេត្ត ដកហូតឯកសាររដ្ឋបាលកម្ពុជាមិនប្រក្រតី ឬត្រូវបានក្រសួងមហាផ្ទៃពិនិត្យចេញប្រកាសទទួលស្គាល់ជនបរទេសអន្តោប្រវេសន៍ និងប័ណ្ណស្នាក់នៅអចិន្ត្រៃយ៍រួចហើយ ។
ក្រោយពេលបញ្ចប់ឱសានវាទ នៃការទទួលពាក្យសុំប្រកាសទទួលស្គាល់ ជាជនបរទេសអន្តោប្រវេសន៍ ការទទួលពាក្យសុំប័ណ្ណស្នាក់នៅអចិន្ត្រៃយ៍ និងការទទួលបណ្តឹងតវ៉ា ដើម្បីការផ្តល់សេវារដ្ឋបាលកាន់តែមានភាពល្អប្រសើរ សម្រាប់បម្រើសេចក្តីត្រូវការចាំបាច់របស់សហព័ន្ធជាខ្មែរ និងកូនរបស់គាត់ ដែលត្រូវបានដកហូតឯកសារ ព្រមទាំងជនបរទេសអន្តោប្រវេសន៍ ក្រសួងមហាផ្ទៃ ធ្វើការណែនាំ ដល់រដ្ឋបាលថ្នាក់ក្រោមជាតិ និងអង្គភាពនគរបាល គ្រប់លំដាប់ថ្នាក់ ដែលមានភាពពាក់ព័ន្ធ ។ដោយ៖កូឡាប
ខាងក្រោមនេះ ជាខ្លឹមសារទាំងស្រុងនៃ សេចក្តីណែនាំ ស្តីពីការចេញលិខិតរដ្ឋបាល និងលិខិតអត្រានុកូលដ្ឋានឲ្យសហព័ន្ធជាខ្មែរ កូន និងជនបរទេសអន្តោប្រវេសន៍ ៖
