ស្រ្តីឥណ្ឌូណេស៊ីម្នាក់ ត្រូវបានកាត់ទោសឲ្យជាប់គុករយៈពេល ៦ខែ ដោយសារតែថតសំឡេង និងចែកចែករូបថតសន្ទារវាងនាង និងចៅហ្វាយនាយ ដើម្បីបង្ហាញថាចៅហ្វាយគាត់យាយីផ្លូវភេទគាត់ ពេលកំពុងសន្ទនាគ្នា។
ស្រ្តីខាងលើដែលមានឈ្មោះថា Baiq Nuril Maknun បានប្តឹងទាស់ទៅនឹងការសម្រេចរបស់តុលាការ ប៉ុន្តែត្រូវតុលាការជាន់ខ្ពស់បំផុតប្រទេសឥណ្ឌូណេស៊ីច្រានចោល។ តុលាការបញ្ជាក់ថា ស្រ្តីខាងលើមានទោសពីបទចែកចាយរឿងហេតុដែលមិនសមរម្យ។
ចៅហ្វាយរបស់ស្រ្តីខាងលើ បានធ្វើការរាយការណ៍ទៅកាន់ប៉ូលិសកាលពីឆ្នាំ ២០១៥ ក្រោយពេលសំឡេងសន្ទនានោះ ត្រូវបានចែកចាយយ៉ាងច្រើន។
ក្រុមអ្នកការពារសិទ្ធិមនុស្សបានធ្វើការថ្កោលទោសទៅនឹងសេចក្តីសម្រេចរបស់តុលាការ។
Baiq Nuril Maknun បានធ្វើការត្អូញត្អែរថា នាងត្រូវចៅហ្វាយនាយនិយាយភាសាអាសអាភាសដាក់ ពេលនិយាយគ្នាតាមទូរស័ព្ទ។ នាងគឺជាអ្នកធ្វើការងារនៅសាលារៀនមួយស្ថិតក្នុងទីក្រុង Mataram។
នាងបានថតសំឡេង ពេលចៅហ្វាយនាយនិយាយភាសាអាសអាភាសដាក់នាង ហើយអាត់សំឡេងនោះត្រូវបានចែកចាយក្នុងចំណោមបុគ្គលិកនៅសាលា។
នាយកសាលាខាងលើ បានបាត់បង់ការងារ ក្រោយពេលអាត់សំឡេងត្រូវបានចែកចាយជាច្រើន។ គាត់បានរាយការណ៍ទៅកាន់ប៉ូលិស ដោយចោទស្រ្តីខាងលើពីបទ ចែកចាយខ្សែអាត់សំឡេងនៃការសន្ទនារបស់ពួកគេ។
សូមបញ្ជាក់ថា ក្រៅពីកាត់ទោសឲ្យស្រ្តី Baiq Nuril Maknun ជាប់គុករយៈពេល ៦ខែ តុលាការក៏បានផាកពិន័យស្រ្តីនោះ ជាទឹកប្រាក់ចំនួនជិត ៣៥.៥២០ដុល្លាផងដែរ។ប្រភព៖ BBC៕អត្ថបទប្រែសម្រួលដោយ៖ សុភ័ក្រ