ខេត្តសៀមរាប៖ បុរសម្នាក់បើកម៉ូតូត្រូវបានរថយន្តសាំយ៉ុងបុកចំពេញទំហឹង បណ្ដាលឲ្យដាច់រយះសាច់ជាបំណែកៗ ស្លាប់ភ្លាមៗនៅកន្លែងកើតហេតុ។
មន្ត្រីមូលដ្ឋានបានឲ្យដឹងថា គ្រោះថ្នាក់ចរាចរនេះ បានកើតឡើងនៅវេលាម៉ោងប្រហែល៣ទៀបភ្លឺថ្ងៃទី៦ ខែកក្កដា ឆ្នាំ២០១៩ នៅលើថ្នល់ជាតិលេខ៦ ស្ថិតនៅភូមិជ័យ សង្កាត់ទឹកវិល ក្រុងសៀមរាប។ ដោយរថយន្តម៉ាកសាំយ៉ុងពណ៌ខៀវ និង ម៉ូតូ បើកបញ្រ្ចាសទិសគ្នា បណ្ដាលឲ្យអ្នកជិះម៉ូតូស្លាប់ភ្លាមៗ។
ជនរងគ្រោះមានឈ្មោះ ឈួន បញ្ញា ភេទ ប្រុស អាយុ ៣០ឆ្នាំ រស់នៅភូមិ អណ្ដោង ឃុំកែវពណ៌ ស្រុកពួក ខេត្តសៀមរាប ។
ចំណែកអ្នកបើកបររថយន្តរត់គេចខ្លួនបាត់៕ ដោយ:កូឡាប
