ភ្នំពេញ៖ពលរដ្ឋរងគ្រោះដីធ្លី ឈ្មោះ ធាង សារ៉ែម នៅភូមិអូត្រជាក់ចិត្តស្រុកស្ទឹងហាវ ខេត្តព្រះសីហនុ បានទាក់ទងមកថាគាត់ត្រូវបានអធិការងស្រុកស្ទឹងហាវឈ្មោះ ភារម្យ និងមេប៉ុស្តិ៍ឈ្មោះ ចាន់ណា បានធ្វេីការចាប់ខ្លួន បន្ទាប់ពីជនរងគ្រោះបានប្ដឹងមកឧត្តមក្រុមប្រឹក្សាពិគ្រោះ និងផ្ដល់យោបល់ ដែលក្រុមការងារយេីងទេីបចុះសិក្សាកាលពីថ្មីៗនេះ ហេីយការចាប់នេះគឺពលរដ្ឋ ឈ្មោះ សារ៉ែម អះអាងថា គេគំរាមគាត់អោយផ្ដិតមេដៃលេីកិច្ចសន្យាប្រគល់ដីអោយគេបន្ថែមទៀត ។ នេះបើតាមការលើកឡើងរបស់លោកវីល្លាម សមាជិកឧត្តមក្រុមប្រឹក្សាពិគ្រោះនិងផ្តល់យោបល់ មកពីគណបក្សខ្មែរក្រោក នៅថ្ងៃទី៧កក្កដានេះ។
លោកបានបន្តថា អ្វីដែលកត់សម្គាល់ អត្តសញ្ញាណដែលចុះចាប់ជនរងគ្រោះ គឺជាអត្តសញ្ញាណដែលជនរងគ្រោះអះអាងប្រាប់មកក្រុមការងារយេីងថា ជាក្រុមរៀបចំរចនាសម្ព័ន្ធធ្វេីស៊ីដីរបស់គាត់។
សមាជិកឧត្តមក្រុមប្រឹក្សាពិគ្រោះ និងផ្ដល់យោបល់សុំអំពាវនាវឲ្យមានការដោះលែងសិន រឿងខុសរឿងត្រូវសុំកុំអាលនិយាយ ព្រោះការងារនេះកំពុងដំណេីរការនីតិវិធី ការចាប់ភាគីម្ចាស់បណ្ដឹងគឺធ្វេីអោយការងាររបស់សមាជិកឧត្តមក្រុមប្រឹក្សារាំងស្ទះ! មួយវិញទៀតពាក់ព័ន្ធនឹងជំលោះដីធ្លី គោលការណ៍របស់សម្ដេចអគ្គមហាសេនាបតីតេជោ លោក ពុំអនុញ្ញាតអោយជាប់គុកច្រវ៉ាក់នោះទេ។
ជាឧទាហរណ៍ ៖ ករណីដីធ្លីកន្លងមក យេីងស៊េីបអង្កេតថា រចនាសម្ព័ន្ធខិលខូច គេមិនចាប់ម្ចាស់ដីតាមវិវាទដីធ្លីទេ តែគេច្រេីនរំលោភអនុសាសន៍សម្ដេចដោយ យកលុយ យកអំណាច មួលបង្កាច់ចោទម្ចាស់ដីឲ្យពាក់ព័ន្ធបញ្ហាព្រហ្មទណ្ឌ ដេីម្បីយកលេសចាប់ ៕ ដោយ៖កូឡាប