គណបក្សប្រឆាំងស្តាំនិយមគឺគណបក្សប្រជាធិបតេយ្យថ្មី (New Democracy) បានឈ្នះការបោះឆ្នោតនៅក្នុងប្រទេសគ្រិច។ នេះបើតាមការចុះផ្សាយរបស់ BBC នៅព្រឹកថ្ងៃចន្ទនេះ។
ដោយសារតែមានការរាប់សន្លឹកឆ្នោតជិតអស់ហើយ លោកនាយករដ្ឋមន្រ្តី Alexis Tsipras បានទទួលស្គាល់ការបរាជ័យរបស់លោក និងជ័យជម្នះរបស់មេដឹកនាំបក្សប្រឆាំងគឺលោក Kyriakos Mitsotakis។
បើតាមលទ្ធផល បានឲ្យដឹងថា គណបក្សប្រជាធិបតេយ្យថ្មីទទួលបានសំឡេងឆ្នោតគាំទ្រចំនួន ៣៩,៨ភាគរយ ចំណែកគណបក្សឆ្វេងនិយមឈ្មោះ Syriza ទទួលបានការគាំទ្រលំដាប់ទី ២ ដោយមាន ៣១,៦ភាគរយ។
បើតាមការប៉ាន់ស្មាន គណបក្សប្រជាធិបតេយ្យថ្មីនឹងឈ្នះភាគច្រើន ហើយអ្នកឈ្នះនឹងទទួលបានអសនៈចំនួន ៥០បន្ថែមនៅក្នុងរដ្ឋសភា។
រហូតមកដល់ពេលនេះ ៨៨ភាគរយៈនៃស្រុកទាំងអស់ ត្រូវបានរាប់សន្លឹកឆ្នោតរួចហើយ។
លោក Kyriakos Mitsotakis បានថ្លែងប្រាប់អ្នកគាំទ្រថា គាត់ទទួលបានឱកាសដើម្បីធ្វើឲ្យមានការផ្លាស់ប្តូរ។
លោកថ្លែងប្រាប់អ្នកគាំទ្រដូច្នេះថា “ប្រទេសយើងមានមោទនភាពក្នុងការងើបក្បាលសារជាថ្មី។ លោកថា លោកនឹងធ្វើជាប្រធានាធិបតី សម្រាប់ទាំងអស់គ្នា ពីព្រោះប្រជាជនគ្រិចតិចតួចណាស់ ដែលនៅបន្តបែកបាក់”។
សូមបញ្ជាក់ថា អ្នកដែលបានទៅចូលរួមការបោះឆ្នោតមានប្រមាន ៥៧ភាគរយៈប៉ុណ្ណោះ ដែលតួលេខនេះ គឺទាបខ្លាំងបំផុតក្នុងរយៈពេលប៉ុន្មានទសវត្សរ៍ចុងក្រោយនេះ។ ប្រភព៖ BBC៕ អត្ថបទប្រែសម្រួលដោយ៖ សុភ័ក្រ