តាមគេហទំព័រ The Nation របស់ថៃ និងគណនេយ្យសង្គមហ្វេសបុក @secret100million នៅថ្ងៃ ៣០/១២ បានឃើញបង្ហោះផ្សាយរូបភាពស្ត្រីម្នាក់មានភិនភាគស្រដៀងនឹងអតីតនាយករដ្ឋមន្ត្រីយីងឡាក់ ដើរជាមួយក្មេងប្រុសម្នាក់ត្រូវបានចាត់ទុកថា ជាកូនរបស់អ្នកស្រីយីងឡាក់ ឈ្មោះ Supasek Amornchat អាយុ ១៥ឆ្នាំ នាមជ្ឈមណ្ឌលពាណិជ្ជកម្មមួយនាប្រទេសអត់គ្លេស។
រូបភាពត្រូវបានគេសង្ស័យថា ជាអតីតនាយករដ្ឋមន្ត្រីយីងឡាក់ ដើរក្បែរកូនប្រុសអាយុ ១៥ឆ្នាំ នាក្រុងឡុង។
មុននេះ New18 បានប្រកាសជាសាធារណៈកាលពីថ្ងៃទី ២៩/១២ នូវរូបភាពមួយថតបាននៅក្រុងឡុង។ ក្នុងរូបមនុស្សស្រីម្នាក់ ត្រូវបានគេចាត់ទុកជាអ្នកស្រីយីងឡាក់។
រូបភាពប្រកាសផ្សាយដោយ News TV 18 ។
អ្នកស្រីយីងឡាក់ វ័យ៥០ឆ្នាំ គឺជានាយករដ្ឋមន្ត្រីស្រីដំបូងនៅប្រទេសថៃ។ អ្នកស្រីត្រូវបានដកហូតមុខដំណែងតាមរយៈរដ្ឋប្រហារយោធាមួយនាឆ្នាំ ២០១៤ ហើយបានរងការចោទប្រកាន់ពីបទបព្រងើយកន្តើយក្នុងការគាំទ្រថ្លៃស្រូវ ធ្វើឲ្យរដ្ឋការថៃខាតបង់លុយរាប់ពាន់លានដុល្លារ។ អ្នកស្រីយីងឡាក់ បានរត់គេចខ្លួនចេញទៅក្រៅប្រទេស នៅមុនពេលសវនាការកាត់ទោសប្រព្រឹត្តទៅកាលពីថ្ងៃទី ២៥/៨៕ សូយន