ភ្នំពេញ៖ ស្នងការដ្ឋាននគរបាលរាជធានីភ្នំពេញ បានគូសបញ្ជាក់ថា បើជាព័ត៌មានពិត ដូចបងបានបញ្ជាក់ថា (តែស្តាយពេលខ្លះ ពលរដ្ឋទៅប្តឹងដល់ប៉ុស្តិ៍ហើយមិនទទួលពាក្យបណ្តឹង)។
ស្នងការដ្ឋាននគរបាលរាជធានីភ្នំពេញ បានចេញសេចក្តីបំភ្លឺឆ្លើយតបទៅនឹង ផេកហ្វេសប៊ុក ឈ្មោះ វ៉ាន់ សារាយ Vann Saray បានសរសេរថា ” លោកនគរបាលសកម្មភាពធ្វើពាក្យបណ្តឹងដល់លើគ្រែ ។ បើគ្រប់ករណីរបស់ពលរដ្ឋ បានអ៊ីចឹង គឺប្រសើរណាស់ ។ តែស្តាយពេលខ្លះ ពលរដ្ឋទៅប្តឹងដល់ប៉ុស្តិ៍ ហើយមិនទទួលទៀត។ អ៊ីចឹងបានគេថា កើតជានារីរូបស្រស់ តែងមានសំណាង”។
បើតាមការផ្សាយក្នុងផេកហ្វេសប៊ុកនៅថ្ងៃទី៩ ខែកក្កដានេះ ស្នងការដ្ឋាននគរបាលរាជធានីភ្នំពេញ បានបញ្ជាក់ថា “ខ្ញុំគិតថាមួយរយៈចុងក្រោយនេះ ប្រាកដជាគ្មានករណីប៉ុស្តិ៍ណា មិនទទួលពាក្យបណ្តឹងរបស់ប្រជាពលរដ្ឋឡើយ ព្រោះថាក្រោមការណែនាំជាប្រចាំរបស់ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជាក់យ៉ាងច្បាស់ថា បើមានប៉ុស្តិ៍ណាមិនទទួពាក្យបណ្តឹងសូមខំមិនផ្ទាល់ចូលមកក្នុងផេកឯកឧត្តមផ្ទាល់ (ស ថេត) ឬក៏ខំមិនចូលមកក្នុងផេកស្នងការដ្ឋាននគរបាលរាជធានីភ្នំពេញ នោះក្រុមការងារនឹងចាត់វិធានការភ្លាមៗ។ មួយវិញទៀត ករណីកម្លាំងប៉ុស្តិ៍បឹងកក់១ ទៅធ្វើពាក្យបណ្តឹងដល់ផ្ទះរបស់ជនរងគ្រោះ គឺដោយសារជនរងគ្រោះមានស្ថានភាពរងរបួសធ្ងន់ និងមានសំណូមពរពីជនរងគ្រោះ។ សូមបញ្ជាក់ថា កន្លែងដាក់ពាក្យបណ្តឹង: ទីតាំងប៉ុស្តិ៍ ខណ្ឌដែលជាកន្លែងកើតហេតុ ហើយក៏អាចមកដាក់ពាក្យបណ្តឹង នៅស្នងការដ្ឋាននគរបាលរាជធានីភ្នំពេញផងដែរ ដែលមានទីតាំងនៅតាមបណ្តោយផ្លូវលេខ ៥៩៨ (ផ្លូវឯ.ឧ ជា សុផារ៉ា)”។
ស្នងការដ្ឋាននគរបាលរាជធានីភ្នំពេញ បានលើកឡើងថា ករណីអំពើហិង្សាមកលើកញ្ញា ថៃ ស្រីនាង។ បន្ទាប់ពីបានឃើញការចុះផ្សាយនៅលើ Account Facebook របស់ជនរងគ្រោះឈ្មោះ ថៃ ស្រីនាង ក៏ដូចជាការចុះផ្សាយរបស់សារព័ត៌មាន ជាច្រើននៅលើបណ្តាញសង្គម ក្រុមការងារប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ បានសហការជាមួយប៉ុស្តិ៍នគរបាលបឹងកក់១ ខណ្ឌទួលគោក បានធ្វើការស្រាវជ្រាវ និងទំនាក់ទំនង ទៅកាន់ជនរងគ្រោះដើម្បីធ្វើការសាកសួរបន្ថែម ទាក់ទងទៅនឹងករណីហិង្សានេះ ដោយស្ថានភាពរងរបួសធ្ងន់ធ្វើឲ្យជនរងគ្រោះ អស់កម្លាំងខ្លាំង ដែលមិនអាចចេញពីផ្ទះទៅដាក់ពាក្យបណ្តឹងបាន គាត់ក៏បានសំណូមពរឲ្យសមត្ថកិច្ចទៅជួយធ្វើពាក្យបណ្តឹងនៅផ្ទះរបស់គាត់។ ប៉ុស្តិ៍បានធ្វើពាក្យបណ្តឹងរួចរាល់ហើយ និងបន្តចាត់ការតាមនីតិវិធីច្បាប់ ។
ស្ត្រីស៊ិចស៊ីឡាយវីដេអូ លក់ផលិតផលតាមហ្វេសប៊ុក ឈ្មោះ ថៃ ស្រីនាង បានរងរបួសលើផ្ទៃមុខ ខ្លួនប្រាណយ៉ាងដំណាំ ដោយត្រូវបុរសជាសង្សារវាយធ្វើបាបជាញឹកញយ មិនតិចជាង១៣០ដងទេ ចាប់តាំងពីស្គាល់គ្នាមក។ ការប្រើអំពើហិង្សានេះ បានធ្វើឲ្យអ្នកលេងហ្វេសប៊ុកនាំគ្នារិះគន់លើជនបង្ក ដែលវាយធ្វើបាបស្ត្រីទន់ខ្សោយ។
នៅពេលថ្មីៗនេះនាថ្ងៃទី៧ ខែកក្កដា ឆ្នាំ២០១៩ ដ៏គួរឲ្យស្អប់ខ្ពើមមួយបានកើតឡើងលើកញ្ញា ថៃ ស្រីនាង ជាតារាលក់ផលិតផលដ៏ល្បីល្បាញនិងស៊ិចស៊ីម្នាក់តាម ONLINE ដោយបុរសជាសង្សាររបស់នាងឈ្មោះ ទឹម សាវុធ កើតឆ្នាំ១៩៧៣តែងតែប្រើអំពើហឹង្សាដាក់លើរូបនាងជាញឹកញាប់ ដោយការវាយតប់ ទះ ចាប់ក្បាលបោកនិងជ្រុងគ្រែរហូតបែកមុខ បែកមាត់ ហើមមុខ ហើមមាត់។
ក្នុងវីដេអូខ្លីមួយរបស់កញ្ញាថៃស្រីនាងជាមួយក្រុមសកម្មជនហ្វេសប៊ុក បានឲ្យដឹងថា បុរសជាសង្សាររបស់នាង តែងតែប្រច័ណ្ឌដាក់លើរូបនាង ដូចមនុស្សវិកលចរឹតអ៊ីចឹង ហើយតែងតែវាយធ្វើបាបរូបនាង រហូតឥតត្រាប្រណី ហើយបានបោះបោកកម្ទេចអីវ៉ាន់របស់នាង និងបានចាប់ក្បាលនាងបោកនឹងជ្រុងគ្រែ ទះកំផ្លៀង ទាត់ធាក់លើរាងកាយនាង រហូតបែកមុខបែកមាត់ ហើមមុខហើមមាត់ ប្រកបដោយភាពឈឺចាប់បំផុត។
មិនតែប៉ុណ្ណោះ នៅក្នុងអាខោនហ្វេសប៊ុករបស់កញ្ញាថៃស្រីនាង ក៏បានបង្ហោះដែរថា “លើកនេះទី 130 ហើយ ដែលអាថោកទាបនេះវៃខ្ញុំ ស្អែកខ្ញុំនិងឡាយ វីដេអូ ឲ្យសមត្ថកិច្ច ចាប់ខ្លួនម្នាក់នេះជាបន្ទាន់ ព្រោះខ្ញុំអស់ភាពអត់ធ្មត់ហើយ សូមមេត្តាជួយខ្ញុំផង៕ដោយ:កូឡាប
